දැනට විසුරුවා හැර නොමැති එකම පළාත් පාලන ආයතනය වන ශ්‍රී ලංකා පොදු ජන පෙරමුණට බලය හිමි ඇල්පිටිය ප්‍රාදේශීය සභාවේ අයවැය අද 4 වන වරටත් පරාජයට පත් වුණා.
ඒ අනුව 2012 අංක 22 දරණ පළාත් පාලන ආයතන ඡන්ද විමසීම් පනතට අනුව මෙම පළාත් පාලය ආයතනය සඳහා විශේෂ කොමසාරිස්වරයෙකු පත් කළ යුතු වනවා.
මෙහිදී අයවැයට විරුද්ධව ඡන්ද 14 ක් හිමි වූ අතර පක්ෂව ලැබුණේ ඡන්ද 12 ක් පමණයි.
එහිදී ශ්‍රී ලංකා පොදු ජන පෙරමුණ නියෝජනය කරන මන්ත්‍රීවරුන් 7 දෙනෙකුද අයවැයට විරුද්ධව ඡන්දය භාවිතා කිරීම විශේෂත්වයක්.
එසේම ජනතා විමුක්ති පෙරමුණේ මන්ත්‍රීවරයෙකු අයවැයට පක්ෂව ඡන්දය භාවිතා කර තිබෙනවා.