ත්‍රස්ත විරෝධී පනතේ වගන්ති ගණනාවක් ආණ්ඩුක්‍රම ව්‍යවස්ථාවට පටහැනියි – ශ්‍රේෂ්ඨාධිකරණය තීන්දු කරයි!

ත්‍රස්ත විරෝධී පනතේ වගන්ති කිහිපයක් ආණ්ඩුක්‍රම ව්‍යවස්ථාවට අනුකූල නොවන බවට ශ්‍රේෂ්ඨාධිකරණය තීන්දු කර තිබේ.

ඒ අනුව ශ්‍රේෂ්ඨාධිකරණය නියමකර ඇත්තේ කෙටුම්පතේ ඇතැම් වගන්ති ජනමත විචාරණයකින් සම්මත කළ යුතු අතර ඇතැම් වගන්ති පාර්ලිමේන්තුවේ විශේෂ බහුතරයකින් සම්මත කළ යුතු බවයි.

ත්‍රස්ත විරෝධී පනත සම්බන්ධයෙන් ඉදිරිපත් කර තිබු පෙත්සම්වලට අදාළ ශ්‍රේෂ්ඨාධිකරණ තීරණය ප්‍රකාශයට පත්කරමින් මෙම නියෝගය නිකුත් කර තිබේ.

• ත්‍රස්ත විරෝධී පනතේ 3, 42, 53 සහ 70 යන වගන්ති ව්‍යස්ථාවට පට හැනි බවත්
• 62 වැනි වගන්තිය ජනමත විචාරණයකින් සම්මත කළ යුතු බවත් එම නියෝගයේ දක්වා තිබේ.
• 75.3 වැනි වගන්තිය ව්‍යවස්ථාවට පටහැනි බැවින් එය ද ජනමත විචාරණයකින් සම්මත කළ යුතු බවට ශ්‍රේෂ්ඨාධිකරණය තීන්දු කර තිබේ.
• 83.7 වගන්තිය පාර්ලිමේන්තුවේ විශේෂ බහුතරයකින් සම්මත කළ යුතු බව ද නියෝගයේ සඳහන් වේ.

විජිත හේරත් ,වසන්ත සමරසිංහ, එරංග ගුණසේකර , රංජිත් මද්දුමබණ්ඩාර ඇතුළු පාර්ශ්ව රැසක් මෙම පනත් කෙටුම්පතට එරෙහිව පෙත්සම් ගොනුකර තිබිණි.