රටේ ප්‍රධානම ජාතික රෝහල වනසන කුඩු කාරයින්ට එරෙහිව අවශ්‍යනම් වෛද්‍යවරයෙකුට චණ්ඩියෙක් විය හැකියි… මේ චණ්ඩි ගැන දුකයි.
බෙල්ලන කියයි!
තමන්ගේ කාර්යාල වටකරනු ලැබුවේ රෝහල තුළ කුඩු ජාවාරම කරන වෘත්තීය සමිතියක නායකයෙක් විසින් අයිස් මත්ද්‍රව්‍ය පොවා එවු කුඩා කණ්ඩායමක් වටා එක්වුන පිරිසක් බවත්, මේ කණ්ඩායමට අවශ්‍ය ආකාරයට තමන් සිය ධූරය අත් නොහරින බවත් ජාතික රෝහලේ නියෝජය අධ්‍යක්ෂ රුක්ෂාන් බෙල්ලන පවසයි.
රෝහලේ වෛද්‍යවරුන් හා හෙද කාර්ය මණ්ඩලය යම් දවසක තමන් එපා යැයි පැවසුවහොත් ඉල්ලා අස්වනු මිස රෝහල විනාශ කරනා මෙවැනි කුඩුකාරයින් 200ක් 300ක් එක්ව කරන කෑ ගැසීම තමන් කිසිතේම නොතකන්නේ යැයි ද ඔහු පැවසුවේය. තවද වෛද්‍යවරයා පවසන්නේ මේ රැස්වුන පිරිස් කවරෙක් දැයි තමන් මුහුණුවලින්ම හඳුනාගෙන ඇති බවත් අයිස් පානය කර පැමිණි මේ පුද්ගලයින් ගැන ඇතිවන්නේ දුකක් බවත් ය.
ජාතික රෝහලේ නියෝජ්‍ය අධ්‍යක්ෂ රුක්ෂාන් බෙල්ලන මේ බව පවසන්නේ ටෲත් විත් චමුදිත යූටියුබ් නාලිකාව සමග සම්මුඛ සාකච්ඡාවකට එක් වෙමිනි.
මෙහි දී තවදුරටත් අදහස් දක්වන වෛද්‍ය රුක්ෂාන් බෙල්ලන කියන්නේ තමන් බය යනු කුමක් දැයි නොදන්නා පුද්ගලයෙක් බවය. දේශපාලනයේ ඉහළම තැන්වල සිට පාතාලයේ නරකම තැන් දක්වා සම්බන්ධකම් ඇති තමන්ට මේ චණ්ඩින් යැයි සිතාගෙන ඉන්නා අය ගැන කණගාටු හිතෙන බව ඔහු කීවේය.
තමන්ට යම් හෝ අනතුරක් කර හොඳින් ඉන්නට නොසිතන ලෙසත් ඔහු එම පිරිසට දන්වා සිටියේය. වෛද්‍ය රුක්ෂාන් බෙල්ලන අවධාරණය කරන්නේ ජාතික රෝහල වැනි මහා විශාල ජාතික කාර්යයක් කරන තැනක් අවුල් කරන්නට උත්සාහ කරනා කුඩු කාරයින්ට එරෙහිව අවශ්‍යනම් වෛද්‍යවරයෙකුටත් චණ්ඩියෙක් විය හැකි බවය.
එබැවින් තමන්ව බිත්තියට හේත්තු නොකරන ලෙස ඔහු ජාතික රෝහලේ සුළු සේවක කාර්ය මණ්ඩලයට අවවාද කළේය.
ජාතික රෝහලේ කුඩ්ඩන්ට එරෙහිව කතා කරන ඔබතුමාට මාගේ ප්රණාමය අහිසක රෝගීන්ගේ අයිතින් වෙවෙනුවෙන්