ක්‍රිකට් නිසා දඹුල්ල උණුසුම් වෙයි – ගේට්ටුත් කඩාගෙන ක්‍රිකට් ලෝලීන් ඇතුළට !

සත්කාරක ශ්‍රී ලංකා කණ්ඩායම සහ ඇෆ්ගනිස්ථාන කණ්ඩායම අතර දෙවැනි පන්දුවාර 20-20 තරගය අද (19) රාත්‍රි 7ට රංගිරි දඹුල්ල ජාත්‍යන්තර ක්‍රිකට් ක්‍රීඩාංගනයේදි පැවැත්වීමට නියමිතයි.

අද උදෑසන සිට දඹුල්ල ප්‍රදේශීය ලේකම් කාර්යාලය අසල විශාල පිරිසක් එක්ව සිටි අතර ඒ ප්‍රවේශපත්‍ර ලබා ගැනීමේ අරමුණින්. ඒ තරග පැවැත්වෙන දිනයන්හී ප්‍රවේශපත්‍ර ප්‍රාදේශීය ලේකම් කාර්යාල මගින් ලබා ගත හැකි බව ක්‍රිකට් ආයතනය නිවේදනය කර තිබූ පසුබිමකයි.

නමුත් අද සහ අනිද්දා තරගයේ සියලු ප්‍රවේශපත්‍ර මේ වනවිට අලෙවි වී අවසන් ඇති බව ක්‍රිකට් ආයතනය ඊයේ (19) නිල වශයෙන් නිවේදනය කලා. එහෙත් මහජනතාව දඹුල්ල ප්‍රදේශීය ලේකම් කාර්යාලය අසලට ප්‍රවේශපත් සොයා එක් වීමත් සමග එහි උණුසුම් තත්වයක් මතුවුණා.

එහිදී දඹුල්ල ප්‍රාදේශීය ලේකම් කාර්යාලයේ ගේට්ටු කඩාගෙන මහජනතාව ප්‍රදේශීය ලේකම් කාර්යාල පරිශ්‍රයට පැමිණීමත් සමගින්. කෙසේ වෙතතත් මෙම තත්ත්වය පාලනය කිරීමට එහි සිටි පොලිස් නිලධාරීන්ට හැකියාවක් ලැබුනේ නෑ.

කෙසේ වෙතත් මහජනතව අදහස් දක්වමින් චෝදනා කරන්නේ ඇතැම් පුද්ගලයන් විසින් ප්‍රාදේශීය ලේකම් කාර්යාලයෙන් රුපියල් 200 ප්‍රවේශපත් මිලදී ගෙන පිටතදී එය රුපියල් 1000ක මිලකට විකුණන බවයි.