පොලිසිය හොයලා දෙන්න කියන බෙලිඅත්තේ මිනීමරු සෙට් එක රටින් පැනල ද?

බෙලිඅත්ත පංච පුද්ගල ඝාතන සිද්ධියට සම්බන්ධ සැකකරුවන් තිදෙනෙකු අත්අඩංගුවට ගැනීම සඳහා පොලීසිය මහජන සහය අපේක්ෂා කරයි. පොලිසිය පවසන්නේ මෙම සැකකරුවන් සැඟවී සිටින බවට තොරතුරු අනාවරණ වී ඇති බවය.

වෑරගොඩ, කහව ලිපිනයේ පදංචිව සිටි බව කියන මහගමගේ දිනේෂ් ප්‍රියංකර නොහොත් චූටියා යාය හතර, තඹුත්තේගම සහ ගල්පාත, අඟුරුවැල්ල ලිපිනයේ පදිංචිව සිටි නානායක්කාර අඟරගේ නිශාන්ත සමන් කුමාර ඩයස්, පුවක්ගහවත්ත, මාකන්දන, ඌරගහ යන ලිපිනය පදිංචි රන්මුනි මහේෂ් හේමන්ත සිල්වා පොලීසිය විසින් අත්අඩංගුවට ගැනීමට මහජන සහය පතන සැකකරුවන්ය.

එම සැකකරුවන් සම්බන්ධයෙන් යම් තොරතුරක් වෙතොත් 071 859 14 88 අංකය අමතා තංගල්ල ජ්‍යේෂ්ඨ පොලිස් අධිකාරීවරයාට හෝ 071 859 14 97 අංකය අමතා බෙලිඅත්ත පොලිස් ස්ථානාධිපතිවරයාට තොරතුරු ලබා දෙන ලෙස පොලිසිය මහජනතාවගෙන් ඉල්ලා ඇත.

කෙසේ වෙතත් මින් දින කීපයකට පෙර රටේ ප්‍රධාන මුද්‍රිත මාධ්‍ය වාර්තා කර තිබුණේ මෙම පුද්ගලයින් දෙදෙනෙක් බෝට්ටු මාර්ගයෙන් ඉන්දියාවට පැනගෙන ඇති බවත්, තවත් පුද්ගලයෙක් සිංගප්පූරුව බලා ගුවන්තොටුපලින්ම පිටව ගොස් ඇති බවය.