ශ්‍රී ලංකන් ගුවන් යානයක් ඉහළ අහසේදී දුම් පිටවෙයි !

ශ්‍රී ලංකන් ගුවන් සේවයට අයත් ගුවන් යානයක් හදිසියේ මෙල්බර්න් ගුවන්තොටුපළට ගොඩ බස්වා තිබෙනවා.

ඒ, එම ගුවන් යානය පිටත් වී සුළුවේලාවක් ගත වීමෙන් අනතුරුවයි.

UL605 ගුවන් යානයේ කුටියක ඇති වූ බව කියන දුමාරයක් හේතුවෙන් මෙලෙස ගොඩ බා ඇති බවයි, විදෙස් මාධ්‍ය වාර්තා සඳහන් කළේ.

මෙය එයාර්බස් A330 අයත් එකක් වන බව සඳහන්.

අදාළ යානය ගොඩබෑමෙන් අනතුරුව එහි සිටි සියලු මගීන් ආරක්ෂිතව ගොඩ බැස ඇති බවයි අදාළ වාර්තාවල දැක්වෙන්නේ.

එම යානයේ ඇති වූ බව කියන කාර්මික දෝෂය සම්බන්ධයෙන් සොයා බැලීමට තාක්ෂණික ශිල්පීන් කණ්ඩායමක් යොමු කර තිබෙනවා.

අදාළ යානය ඔස්ට්‍රේලියානු වේලාවෙන් පස්වරු 6.30ට කොළඹ බලා පියාසර කර ඇති බව සඳහන්.

කෙසේ වෙතත් එහි කුටියක දුමාරයක් නිරීක්ෂණ වීම හේතුවෙන් පස්වරු 7.20ට එම එය යළි ගොඩබැස්වීමටයි කටයුතු කර ඇත්තේ.

එහි සිටි මගීන්ට මේ වනවිට නවාතැන් පහසුකම් සලසා දී ඇති බවයි වාර්තා වන්නේ.

ඒ අනුව ගුවන් යානය යථා තත්ත්වයට පත් කිරීමෙන් අනතුරුව නැවතත් කොළඹ බලා පියාසර කරනු ඇති.