කෙහෙළියගේ නීතිඥ මනෝජ් ගමගේ සහ තවත් අධ්‍යක්ෂවරු දෙදෙනෙක් ඖෂධ නියාමන අධ්‍යක්ෂ ධුරයෙන් ඉල්ලා අස් වෙයි !

ජාතික ඖෂධ නියාමන අධිකාරියේ අධ්‍යක්ෂ ධුරයෙන් අද (13) දින සිට තමා එම ධුරයෙන් ඉල්ලා අස්වෙන බවත් එම ඉල්ලා අස්වීමේ ලිපිය නීතිඥ මනෝජ් ගමගේ විසින් සෞඛ්‍ය අමාත්‍ය රමේෂ් පතිරණ වෙත ලබා දී ඇති බව සදහන් වෙනවා.

ඒ සමඟම ඖෂධ නියාමන අධිකාරියේ අධ්‍යක්ෂ ධුරයෙන් තවත් දෙදෙනෙකු ඉල්ලා අස්වී තිබෙනවා.

කෙසේ වෙතත් නීතිඥ මනෝජ් ගමගේ සෞඛ්‍ය අමත්‍යවරයා වෙත ලබාදුන් ලිපියේ තමා ජාතික ඖෂධ නියාමන අධිකාරියේ අධ්‍යක්ෂවරයෙකුව සිටින කාලයේ දී ආයතනයේ උන්නතිය වෙනුවෙන් නීතිඥයෙකු ලෙස හැකි උපරිමයෙන් කටයුතු කළ බවත් අධ්‍යක්ෂ ලෙස ආයතනය තුළ පැවති අඩුපාඩු ගණනාවක් සම්පුර්ණ කිරීමට අධ්‍යක්ෂ මණ්ඩලය ලෙස නිසි තීන්දු තීරණ ගත් බවත් සඳහන් වෙන බවයි වාර්තා වන්නේ.

කෙසේ වෙතත්, ඔහු දැනට ඖෂධ ජාවාරමක් සම්බන්ධව රිමාන්ඩ් බන්ධනාගාරයේ සිටින හිටපු අමාත්‍ය කෙහෙළිය රඹුක්වැල්ලගේ නීතිඥයා ලෙස ද කටයුතු කරනු ලැබුවා. එක් අවස්ථාවක රහස් පොලිසිය කෙහෙළියගේ නිවසට ප්‍රශ්න කිරීම පිණිස ගිය අවස්ථාවේ ඔහු අමාත්‍යවරයා වෙනුවෙන් පෙනී සිට ප්‍රකාශ නිකුත් කරනු ලැබුවා. එය බොහෝ අංශවල දැඩි විවේචනයට ලක් වුණා.

එතුමා විසින් සෞඛ්‍ය අමාත්‍යවරයා වෙත යොමුකළ සම්පූර්ණ ලිපිය පහතින් දැක්වේ.