කොළඹ ජාතික අක්ෂි රෝහලේ අක්ෂි රෝගීන්ගේ අසාත්මිකතා සඳහා බහුලව යොදා ගන්නා Prednisolone Eye Drop 01% 5ml ඖෂධය රෝහල තුළ නොමැති බවයි එහි ප්‍රකාශකයෙකු පවසනවා.
නමුත් එය රුපියල් 900 සිට රුපියල් 1000 අතර මුදලකට පෞද්ගලික ඖෂධ හල්වල අලෙවි වන බව වැඩිදුරටත් සඳහන්.
පසුගිය කාලයේ රාජ්‍ය ඖෂධ නීතිගත සංස්ථාව මගින් රජයේ රෝහල් පද්ධතිය තුළ මෙම ඖෂධ බෙදාහැර පාවිච්චි කිරීමේදී ඇතැම් රෝගීන්ගේ ඇස් අන්ධභාවයට පත්වීම නිසා එම සැපැයුම්කරුගේ ඖෂධ භාවිතයෙන් ඉවත් කර තිබුණා.
නමුත් Prednisolone Eye Drop නමැති මෙම ඖෂධයේ රෝහල් තුළ පැවැතීමේ අත්‍යවශ්‍යතාව සාකච්ඡා වුවත්, මේ දක්වා එය රෝහල් පද්ධතියට ලබා දීමට අපොහොසත් වී ඇති බව සඳහන්.
මීට අදාළ රැස්වීම් වර්තමාන සෞඛ්‍ය අමාත්‍ය රමේෂ් පතිරණ සහ ලේකම් පාලිත මහීපාල මත්වරුන්ගේ ප්‍රධානත්වයෙන් පවත්වා ඇති බවයි වැඩිදුරටත් වාර්තා වන්නේ.
එමෙන්ම අක්ෂි රෝග අසාත්මිකතාවලින් පෙළෙන රෝගීන් මෙම ඖෂධ හිඟතාව නිසා බලවත් අපහසුතාවකට පත්ව සිටින බව වැඩිදුරටත් සඳහන්