ඊයේ (2) අපරාධ පරීක්ෂණ දෙපාර්තමේන්තුව මඟින් අත්අඩංගුවට ගෙන අද (3) අධිකරණය වෙත ඉදිරිපත් කළ හිටපු සෞඛ්ය අමාත්ය කෙහෙළිය රඹුක්වැල්ල ලබන 15 තෙක් රක්ෂිත බන්ධනාගාරගත කිරීමට මාලිගාකන්ද මහේස්ත්රාත් ලෝචනා අබේවික්රම අද (03) නියෝග කළාය.
දැනට පරිසර අමාත්යවරයා ලෙස කටයුතු කරන හිටපු සෞඛ්ය ඇමතිවරයා වූ කෙහෙළිය රඹුක්වැල්ල මෙම එන්නත් අපරාධය සම්බන්ධ කෙරෙන පුළුල් විමර්ශනවල දී මෙතෙක් අත්අඩංගුවට ගෙන බන්ධනාගාරගත කළ ඉහළම නිලධාරියා කෙහෙලිය රඹුක්වැල්ලය.
මාලිගාකන්ද මහේස්ත්රාත් අධිකරණයෙන් ලබාදුන් නියෝගයකට අනුව රඹුක්වැල්ල ඊයේ පෙරවරු 9ට පමණ අපරාධ පරීක්ෂණ දෙපාර්තමේන්තුව වෙත පැමිණි පසු පැය 10ක් පුරා දීර්ඝ කටඋත්තරයක් ගැනීමෙන් අනතුරුව අත් අඩංගුවට ගෙන අද මෙසේ මාලිගාකන්ද මහේස්ත්රාත් අධිකරණයට ඉදිරිපත් කරනු ලැබුවේය.
ඔහුට ගුවන් ගමන් තහනමක් නිකුත් කර ඊයේ අධිකරණය ඉදිරියේ පෙනී සිටීමට මාලිගාකන්ද අධිකරණය විසින් නියෝග කළේ ඇමතිවරයා හිතා මතාම බොරු කියා අපරාධ පරික්ෂණ දෙපාර්තමේන්තව ඉදිරියේ පෙනී සිටීම මගහැරිය පසුය.
අපරාධ පරීක්ෂණ දෙපාර්තමේන්තුවට වාර්තා නොකිරීම හේතුවෙන් රඹුක්වැල්ලට විදේශ ගමන් තහනමක්ද මාලිගාකන්ද මහේස්ත්රාත් ලෝචනා අබේවික්රම මහත්මිය විසින් බ්රහස්පතින්දා පනවනු ලැබුවාය.
ප්රශ්නගත එන්නත් කිරීමේ සිද්ධිය සම්බන්ධයෙන් ප්රකාශයක් ලබාදීම සඳහා ජනවාරි 30 වැනිදා රඹුක්වැල්ල රහස් පොලිසියට කැඳවා තිබූ නමුත් කොළඹ මහාධිකරණයේ නඩුවක් පවතින බවත් ජනාධිපති ලේකම් කාර්යාලයේ රැස්වීමක් තිබෙන බවත් පවසමින් ඔහු වෙනත් දිනයක් ඉල්ලා තිබිණි.
කෙසේ වෙතත්, බ්රහස්පතින්දා සාක්ෂි ලබාදුන් රජයේ නියෝජ්ය සොලිසිටර් ජනරාල්වරයා අධිකරණයට දන්වා සිටියේ අදාළ රැස්වීමට ඔහු සහභාගී වී නොමැති බවට විමර්ශනවලින් හෙළි වූ බවයි.
මේ වන විටත් එම අපරාධය සම්බන්ධයෙන්,
ඔවුන් එළඹෙන 15 වැනිදා තෙක් රිමාන්ඩ් කිරීමට අධිකරණය නියොග කළේය.
එමෙන්ම මෙම අපරාධ චෝදනා මත බන්ධනාගාරගතකර සිටි සැකකරුවෙකු වූ නඩුවේ 5 වන සැකකරු වන වෛද්ය සැපයුම් අංශයේ තොග පාලක සුජිත් කුමාර ලක්ෂ 10ක ශරීර ඇප දෙකක් මත මුදාහැරීමට අධිකරණය නියෝග කර තිබිණි.
මෙම ඖෂධ අපරාධය සම්බන්ධව ඉහළම නිලධාරීන්ගේ විභව මැදිහත්වීම් නොසලකා හරිමින් සිටින බවට මහජන පීඩනය සහ උත්සුකයන් වැඩිවෙමින් පැවතිද්දි කෙහෙළිය රඹුක්වැල්ල ඇමතිවරයා අත් අඩංගුවට ගැනුණි.
ගලෙන්බිදුණුවැව - අක්කර විස්ස ප්රදේශයේ නිවසක අල්මාරියක මුදල් දමන ප්ලාස්ටික් කැටයක සඟවා තිබු පතොරම් තොගයක්…
පාදුක්ක, මාහිංගල ප්රදේශයේ නිවසක නවතා තිබූ කැබ් රථයක් සහ ත්රිරෝද රථයක් හදිසියේ ම ගිනි ගෙන…
ඉන්දීය රුපියල් කෝටි 92ක බදු මුදලක් ගෙවමින් 2024 මූල්ය වර්ෂය සඳහා වැඩිම ආදායම් බදු ගෙවූ…
ඉතිහාසයේ පළමු වරට ශ්රී ලංකා රේගු දෙපාර්තමේන්තුව 2024 වසරේ මේ දක්වා රුපියල් ට්රිලියනයක රේගු ආදායමක්…
යුරෝපා නේෂන්ස් කුසලාන පාපන්දු තරගාවලියේ ක්රොඒෂියාව සමඟ පැවැති තරගයේදී රොනාල්ඩෝ රැස්කළ සුපිරි ගෝලයත් සමග පාපන්දු…
මෙවර ජනාධිපතිවරණයේදී ජනාධිපති රනිල් වික්රමසිංහට සහාය නොදෙන ආණ්ඩු පාර්ශ්වය නාමිකව නියෝජනය කරන සියලු මැති ඇමතිවරුන්ට…