රාජ්ය අමාත්ය සනත් නිශාන්ත මහතාට මරු කැඳවූ රිය අනතුර සම්බන්ධයෙන් මේ වනවිට සැකයක් මතුවන කරුණු කාරණා ඉදිරිපත් වෙමින් තිබේ.
එම සැකයයට ඌණ පූරණයක් වී ඇත්තේ රාජ්ය අමාත්යවරයාගේ රියදුරා අනතුරට පෙර දිනයේ සිය සමාජ මාධ්ය ගිණුම්වල පල කර තිබූ සටහනකි
උපුටා ගැනීමයි.
“හෙට වෙනකොට මගේ නමට යටින් ලස්සන ෆොටෝ එකක් වැටිලා නමට උඩින් අමාමහ නිවන් සුව කියලා තිබ්බොත්. උඹලාට හිතෙන දේ කියන් යමන්. මැරෙන්න කලින් මම ඒ ටික කියවන්න හරි ආසයි.”
උපුටා ගැනීම අවසන්.
අනතුරට පෙරදා ඔහු විසින් සිය සමාජ මාධ්ය ගිණුමක පල කර තිබූ මෙම සටහන ශ්රී ලංකා පොදුජන පෙරමුණේ පාර්ලිමේන්තු මන්ත්රීවරුන්ගේ දැඩි සැකයට මේවන විට හේතු වී තිබේ.
එසේම මේ සම්බන්ධයෙන් දේශපාලන විචාරක මතය වී ඇත්තේ අදාල සැකය මතු කිරීම මේවන විට සනත් නිශාන්ත මහතාට සමාජ මාධ්ය තුළ පලකෙරෙන අපහාසාත්මක සටහන්වලට යම් පාලනයක් ඇති කිරීමට හේතුවන බැවින් සනත් මරා දැමූ බවට වන සැකය උවමනාවෙන් සමාජගත කිරීමට උත්සාහ කරණ බවයි.
කෙසේවුවද, සනත් නිශාන්ත මහතාට සහ ඔහුගේ ආරක්ෂක නිලාරීයාට මරු කැඳවු අනතුර වන අවස්ථාවේදී වී-8 වර්ගයේ සුඛෝපභෝගී ජීප් රථය පැදවු සනත් නිශාන්ත මහතාගේ රියදුරා වශයෙන් කටයුතු කළ ආරච්චිකට්ටුව කැලේගම පදිංචි සුරියහෙට්ටි අධිකාරී මුදියන්සේලාගේ ප්රභාත් එරංග ඩිල්නේෂා නමැත්තා රිමාන්ඩ් භාරයට පත් කිරීමට වැලිසර මහෙස්ත්රාත් තුසිත ධම්මික උඩුවවිදාන මහතා කටයුතු කර තිබේ.
එසේම සනත් නිශාන්ත මහතා ගමන් ගත් වී-8 වර්ගයේ සුඛෝපභෝගී ජීප් රථය ඝට්ටනය වු කන්ටේනර් රථයේ රියදුරා වශයෙන් කටයුතු කළ ජයන්ත නිරෝෂන් දසනායක ද ඇප මත මුදා හැරීමට ද නියෝග කර ඇත.
කන්ටේනර් රථයේ රියදුරා රිමාන්ඩ් බාරයට පත් කරන්නැයි කඳාන පොලිස්ථානාධිපති ප්රධාන පොලිස් පරීක්ෂක ගාමිණී සෙනරත් හේවාවිතාන මහතා අධිකරණයෙන් ඉල්ලා සිටියද එය ප්රතික්ෂෙප කරමින් රුපියල් ලක්ෂ 05ක් වටිනා ඇපකරුවකුගේ බැඳුම්කරයක් මත ඔහු මුදා හැරීමට නියම කළ මහෙස්ත්රාත්වරයා ඔහුගේ රියදුරු බලපත්රයද තාවකාලිකව මුදා හැරීමටට නියම කළේය.
අනතුරින් සුලු තුවාල ලැබු සනත් නිශාන්ත මහතාගේ රියදුරා වශයෙන් කටයුතු කළ ඔහු ගමන්ගත් වී-8 වර්ගයේ සුඛෝපභෝගී ජීප් රථය පැදවු ප්රභාත් එරංග ඩිල්නේෂා නමැත්තා රාගම රෝහලේ 39 වැනි වාට්ටුවේ නේවාසිකව ප්රතිකාර ලබමින් සිටී.
ගලෙන්බිදුණුවැව - අක්කර විස්ස ප්රදේශයේ නිවසක අල්මාරියක මුදල් දමන ප්ලාස්ටික් කැටයක සඟවා තිබු පතොරම් තොගයක්…
පාදුක්ක, මාහිංගල ප්රදේශයේ නිවසක නවතා තිබූ කැබ් රථයක් සහ ත්රිරෝද රථයක් හදිසියේ ම ගිනි ගෙන…
ඉන්දීය රුපියල් කෝටි 92ක බදු මුදලක් ගෙවමින් 2024 මූල්ය වර්ෂය සඳහා වැඩිම ආදායම් බදු ගෙවූ…
ඉතිහාසයේ පළමු වරට ශ්රී ලංකා රේගු දෙපාර්තමේන්තුව 2024 වසරේ මේ දක්වා රුපියල් ට්රිලියනයක රේගු ආදායමක්…
යුරෝපා නේෂන්ස් කුසලාන පාපන්දු තරගාවලියේ ක්රොඒෂියාව සමඟ පැවැති තරගයේදී රොනාල්ඩෝ රැස්කළ සුපිරි ගෝලයත් සමග පාපන්දු…
මෙවර ජනාධිපතිවරණයේදී ජනාධිපති රනිල් වික්රමසිංහට සහාය නොදෙන ආණ්ඩු පාර්ශ්වය නාමිකව නියෝජනය කරන සියලු මැති ඇමතිවරුන්ට…