ඊයේ අලුයම ‘අධිවේගයේ’ සිදු වූ මාරක අනතුරකින් රාජ්ය අමාත්ය ‘සනත් නිශාන්ත’ ජීවිතක්ෂයට පත් වූ අතර, අනතුරින් ඔහුගේ ‘ආරක්ෂක නිලධාරියා’ ද දිවි හැර ගියා.
මේ අතර, මෙම ‘මාරක අනතුර’ ගැන මේ වන විට රෝහල්ගත කර සිටින රිය පැදවූ ‘රියදුරු’ ප්රභාත් එරංග ජාතික පුවත්පතකට අනතුර පිළිබඳව මෙසේ ‘තතු විත්ති’ හෙළි පෙහෙළි කර තිබුණා.
අපේ වාහනයට ඉස්සරහින් කන්ටේනර් එකක් ගමන් කරමින් තිබුණා. අපේ වාහනය කන්ටේනරය ඉස්සර කරන්න යනකොට ම දකුණු පැත්තෙන් වේගයෙන් ආපු කාර් එකක් ඉස්සර කළා. අපේ වාහනයේ ඒ කාර් එක වැදෙයි කියා අපේ වාහනය මම වමට කැපුවා. ඒත් එක්කම අපේ වාහනය කන්ටේනර් එකේ ලොකු සද්දෙකුත් එක්ක වැදුණා. වාහනය කැරකෙනවා වගේ දැණුනා. පස්සෙ මොනවා වුණාද කියලා හිතාගන්න බැරිවුණා.
මෙම අනතුරින් ‘රාජ්ය අමාත්යවරයා’ ගමන්ගත් ජීප් රථයේ එන්ජීම පිහිටි ‘ඉදිරි කොටස’ සහ වාහනයේ ‘වම්පස’ සුන්බුන් ගොඩක් බවට පත්ව තිබෙනවා.
වාහනයේ ‘සුන්බුන්’ අතර සිරවී සිටි ‘සනත් නිශාන්ත’ මහතා ව පිටතට ගැනීමට පොලිසියට සහ අධිවේගී මාර්ගයේ සේවකයින්ට දැඩි ‘පරිශ්රමයක්’ දැරීමට සිදු ව ඇති බැව් සඳහන්.
අනතුර අවස්ථාවේ ‘ජිප් රථය’ පැයට කිලෝමීටර 130කට වැඩි වේගයකින් ගමන් කර ඇති බවට ද තොරතුරු අනාවරණය වනවා.
අනතුර සිදුවන අවස්ථාවේ දී ‘රාජ්ය අමාත්යවරයා’ තමන් වාඩි වී සිටි අසුන පිටුපසට නවාගෙන නිදාගෙන පැමිණ තිබෙන බවද පොලිසියට අනාවරණය වී තිබෙනවා.
අනතුරෙන් රාජ්ය අමාත්යවරයාගේ හිසට සහ දකුණු කකුලට බරපතළ තුවාල සිදුවී තිබූ බව රෝහල් ආරංචි මාර්ග පවසයි.
අවසන් වරට ඒ මහතා සිය ‘ඥාතියෙකුගේ විවාහ මංගල්යයක්’ සඳහා සහභාගි ඇති අතර, බිරිය හා දරුවන් ව වෙනත් වාහනයක කොළඹ බලා පිටත් කර තිබෙනවා.
ඔහු නැවතත්, ‘ආරච්චිකට්ටුවේ’ විවාහ උත්සවයකට සහභාගී වී එමින් සිටියදීයි මෙම ‘මාරක අනතුරට’ මුහුණ දී ඇත්තේ.
ඥාතියෙක් නිසා ෆැමිලි එක පිටින් යන්න ඔිනෑ කියලා අපි ඔක්කොම ගියා. ගිහින් එතනින් අපිව වෙන වාහනයකට දැම්මා එන්න. එයා ගියා හලාවත වෙඩින් එකකට. ඒ ගිහින් එන ගමන් තමයි මේ…’
(මේ සනත් නිශාන්තගේ බිරිය ජනපති රනිල් වික්රමසිංහ සමඟ කියූ කතාවයි….)
මේ අතර, ‘කන්ටේනර්’ රථයේ රියදුරු මේ වන විට පොලිස් භාරයට ගෙන ඇති බවත්, ඒ මේ අනතුර ‘සංවේදී සිදුවීමක්’ නිසා බවත් පොලිසිය සඳහන් කරනවා.
මේ අතර, “මට මාරක අපල තියෙනවා කියලා හඳහන බලපු ජ්යොතිෂවේදියෙක් කිව්වා” යැයි කටුනායක අධිවේගී මාර්ගයේ වූ මාරක රිය අනතුරින් ජීවිතක්ෂයට පත්වූ රාජ්ය ඇමැති සනත් නිශාන්ත මීට දින කිහිපයකට පෙර මාධ්යවේදීන් සමග පැවැති සුහද හමුවකදී ප්රකාශ කර ඇති බවද වාර්තා වෙයි.
මීට සති දෙකකට පෙර කොළඹදී මෙම සුහද හමුව පවත්වා තිබුණි.
එහිදී රාජ්ය අමාත්යවරයා සිනාසෙමින් වැඩිදුරටත් පවසා ඇත්තේ, “ගහේ ගලේ ගැහුවත් උඹව මරන්න බැහැ” යැයි සිය හඳහන බැලූ ඥාතියෙකු පැවසූ බවය. “ඒ් වගේම මම අදටත් ජීවත් වෙනවා.” යැයිද මෙහිදී රාජ්ය අමාත්යවරයා පවසා තිබේ.
තවද දේශපාලනයෙන් සමුගන්නා ලෙසට පවුලේ සාමාජිකයන් තමාගෙන් ඉල්ලා සිටින බවද ඔහු පවසා ඇත.
ගලෙන්බිදුණුවැව - අක්කර විස්ස ප්රදේශයේ නිවසක අල්මාරියක මුදල් දමන ප්ලාස්ටික් කැටයක සඟවා තිබු පතොරම් තොගයක්…
පාදුක්ක, මාහිංගල ප්රදේශයේ නිවසක නවතා තිබූ කැබ් රථයක් සහ ත්රිරෝද රථයක් හදිසියේ ම ගිනි ගෙන…
ඉන්දීය රුපියල් කෝටි 92ක බදු මුදලක් ගෙවමින් 2024 මූල්ය වර්ෂය සඳහා වැඩිම ආදායම් බදු ගෙවූ…
ඉතිහාසයේ පළමු වරට ශ්රී ලංකා රේගු දෙපාර්තමේන්තුව 2024 වසරේ මේ දක්වා රුපියල් ට්රිලියනයක රේගු ආදායමක්…
යුරෝපා නේෂන්ස් කුසලාන පාපන්දු තරගාවලියේ ක්රොඒෂියාව සමඟ පැවැති තරගයේදී රොනාල්ඩෝ රැස්කළ සුපිරි ගෝලයත් සමග පාපන්දු…
මෙවර ජනාධිපතිවරණයේදී ජනාධිපති රනිල් වික්රමසිංහට සහාය නොදෙන ආණ්ඩු පාර්ශ්වය නාමිකව නියෝජනය කරන සියලු මැති ඇමතිවරුන්ට…