අද (22) උදෑසන තංගල්ල, බෙලිඅත්ත අධිවේගී පිවිසුම අසල දී සිදුවු වෙඩිතැබීමෙන් මියගිය පිරිස අතර අපේ ජනබල පක්ෂයේ නායක, සමන් පෙරේරා ද සිටින බව පොලිසිය පවසයි.
අද පෙරවරු 8.30ත් 8.40ත් අතර කාලයේ දී සුදු පැහැති ඩිෆෙන්ඩර් රථයකින් පැමිණි පිරිසක් ආහාර ගැනීම සඳහා අදාල වෙළෙඳසැලට පැමිණි අවස්ථාවේ කොළ පැහැති කැබ් රථයකින් පැමිණි පිරිසක් එම වෙඩි තැබීම සිදුකර තිබේ.
වෙඩි තැබීම සඳහා T-56 වර්ගයේ ගිනි අවියක් භාවිතා කර ඇති බවයි පොලිසිය පවසන්නේ.
එහිදී වෙඩිවැදීමෙන් ජීවිතක්ෂයට පත්වූ ‘අපේ ජනබල පක්ෂයේ’ නායක සමන් පෙරේරා නඩු කටයුත්තකට සහභාගී වීමට යන අතරතුරදී මෙම වෙඩි ප්රහාරයට ලක්ව ඇති බවයි පැවසෙන්නේ.
වෙඩි වැදීමෙන් මියගිය සමන් පෙරේරා 2022 වසරේ ජූනි 05 වැනිදා තංගල්ලේදී සිදුවූ මනුෂ්ය ඝාතනයකට සම්බන්ධ සැකකරුවෙකුට රැකවරණය ලබාදීමේ සිද්ධියක් සම්බන්ධයෙන් එම වසරේදී අගෝස්තු 24 වැනිදා පොලිස් අත්අඩංගුවට ගෙන රක්ෂිත බන්ධනාගාර ගතකර තිබුණා.
කෙසේ වෙතත් මෙම සිදුවීම සහ වෙඩිතැබීම අතර සම්බන්ධයක් පවතීද යන්න මෙතෙක් අනාවරණය වී නැහැ.
පොලිසිය මෙන්ම දකුණේ මිනිස්සු සමන් පෙරේරා දන්නේ රෝයල් බීච් සමන් යැයි කීවිටය. දකුණේ පාතාල කල්ලිවල නම් කියැවෙන විට ඒත් එක්කම කියැවෙන නාමයක් වන රෝයල් බීච් සමන්ගේ නම ඉදිරියේ ඇති චෝදනා ගණනද සුළුපටු නොවන බව පැවසේ.
රෝයල් බීච් සමන්ගේ ප්රධානතම ප්රතිවාදියා වන්නේ කොස්ගොඩ සුජීය. අවස්ථා කිහිපයක්ම සුජීගේ වෙඩි උණ්ඩ රෝයල් බීච් සමන් සොයාගෙනවිත් තිබුණේය. වරක් සමන්ගේ දිවි ගැලවෙන්නේ ඔහුට තැබූ වෙඩිල්ල විදේශිකයෙකුට වැදීය.
2024 සැප්තැම්බර් මස 08 වන ඉරිදා දින කාලගුණ වාර්තාව මෙලෙස සයහන්ව තිබුණා. බස්නාහිර, සබරගමුව සහ…
ගලෙන්බිදුණුවැව - අක්කර විස්ස ප්රදේශයේ නිවසක අල්මාරියක මුදල් දමන ප්ලාස්ටික් කැටයක සඟවා තිබු පතොරම් තොගයක්…
පාදුක්ක, මාහිංගල ප්රදේශයේ නිවසක නවතා තිබූ කැබ් රථයක් සහ ත්රිරෝද රථයක් හදිසියේ ම ගිනි ගෙන…
ඉන්දීය රුපියල් කෝටි 92ක බදු මුදලක් ගෙවමින් 2024 මූල්ය වර්ෂය සඳහා වැඩිම ආදායම් බදු ගෙවූ…
ඉතිහාසයේ පළමු වරට ශ්රී ලංකා රේගු දෙපාර්තමේන්තුව 2024 වසරේ මේ දක්වා රුපියල් ට්රිලියනයක රේගු ආදායමක්…
යුරෝපා නේෂන්ස් කුසලාන පාපන්දු තරගාවලියේ ක්රොඒෂියාව සමඟ පැවැති තරගයේදී රොනාල්ඩෝ රැස්කළ සුපිරි ගෝලයත් සමග පාපන්දු…