වනිඳු සහ කුසල් සිම්බාබ්වේ පිළ දණගස්සවයි – ශ්‍රී ලංකාවට කඩුලු 8ක ජයක් !

සංචාරක සිම්බාබ්වේ කණ්ඩායම සහ ශ්‍රී ලංකාව අතර තුන්වැනි සහ අවසන් එක්දින තරගය කඩුලු 8 කින් ජය ගැනීමට ශ්‍රී ලංකා කණ්ඩායම සමත් වුණා.

ඒ අනුව 2-0ක් ලෙස තරගාවලිය ජය ගැනීමට ශ්‍රී ලංකා කණ්ඩායමට හැකියාව ලැබුණා.

තරගයේ කාසියේ වාසිය දිනා ගත් සිම්බාබ්වේ කණ්ඩායම පළමුව පන්දුවට පහර දුන් අතර ඔවුන්ට සියලු දෙනා දැවී ලබා ගත හැකි වුයේ ලකුණු 96ක් පමණයි.

පිළිතුරු ඉනිම ක්‍රීඩා කිරීමට පිටියට පිවිසි ශ්‍රී ලංකා කණ්ඩායම පන්දුවාර 16යි පන්දු 4ක් තුළ කඩුලු 2ක් පමණක් දැවී එම ඉලක්කය ජය ගැනීමට සමත් වුණා.

කුසල් මෙන්ඩිස් තම කණ්ඩායම වෙනුවෙන් අගනා ඉණිමක් ක්‍රීඩා කළ අතර ඔහු නොදැවී ලකුණු 66ක් ‍රැස් කළා.

අවස්ථා කිහිපයකදී වර්ෂාව හේතුවෙන් තරගය තාවකාලිකව නතර කිරීමට ද සිදු වුණා.

වර්ෂාව හේතුවෙන් එක් කණ්ඩායමකට පන්දුවාර 27 බැගින් ලබාදීමට විනිසුරුවන් තීරණය කරනු ලැබුවා.

මෙම තරගයේදී වනිඳු හසරංග තම එක්දින දිවියේ හොඳම පන්දු යැවීම වාර්තා කරනු ලැබුවේ ලකුණු 19කට කඩුලු 07ක් බිඳ දමමින්.

තරගාවලියේ වීරයා ලෙස නවක ක්‍රීඩක ජනිත් ලියනගේ නම් කළ අතර අද (11) තරගයේ වීරයා ලෙස වනිදු හසරංග නම් කර තිබෙනවා.