සිව්වන වරටත් බංග්ලාදේශයේ බලය ශෙයික් හසීනාට !

අර්බුදකාරී තත්ත්වයක පැවති 2024 බංග්ලාදේශ මහ මැතිවරණයෙන් එරට අගමැති ශෙයික් හසීනා නායකත්වය දරන අවාමි ලීගය දේශපාලන පක්ෂය ජයග්‍රහණය කර තිබෙනවා.

මෙම ජයග්‍රහණයත් සමඟ පස්වන වරටත් බංග්ලාදේශයේ අග්‍රාමාත්‍ය ධුරයේ කටයුතු කිරීමට ශෙයික් හසීනාට හැකියාව හිමි වෙනවා.

විපක්ෂ දේශපාලන කණ්ඩායම් විසින් වර්ජනය කරනු ලැබූ මෙවර බංග්ලාදේශ මහ මැතිවරණය වෙනුවෙන් ඡන්දය ප්‍රකාශ කිරීම සඳහා මිලියන 120ක් සුදුසුකම් ලබා සිටියා.

ආසන 350 කින් සමන්විත බංග්ලාදේශ පාර්ලිමේන්තුවේ ආසන 152 කට වඩා සංඛ්‍යාවක් දිනාගැනීමට අවාමි ලීගය පක්ෂයට ඊයේ (07) හැකියාව හිමි වුණා.

ඒ අනුව තවත් වසර පහක කාලයක් සඳහා බංග්ලාදේශයේ පාලනය අවාමි ලීගය දේශපාලන පක්ෂයට ලබාදීමටයි එරට ඡන්ද දායකයින් කටයුතු කර තිබුණේ.

ඊයේ (07) පැවති මහ මැතිවරණයේ ප්‍රචාරණ කටයුතු ආරම්භවීමට පෙර සිටම මැතිවරණ ප්‍රචණ්ඩ ක්‍රියා වාර්තා වූ අතර, එරට ප්‍රධාන විපක්ෂය වන බංග්ලාදේශ ජාතික පක්ෂය, ශෙයික් හසීනාගේ ආණ්ඩුවක් යටතේ සාධාරණ මැතිවරණයක් අපේක්ෂා කළ නොහැකි බව පවසමින් මෙවර මැතිවරණය වර්ජනය කළා.