ලංකා විදුලි පෞද්ගලික සමාගම හෙවත් ලෙකෝ සමාගම ජනවාරි මස විදුලි බිලට මහජන ආරක්ෂණ බද්ද සියයට 5 ක් හෙවත් දෙගුණයක් අය කර ගැනීම දැඩි අසාධාරණයක් බව පාරිභෝගිකයෝ චෝදනා කරති.
මහජන ආරක්ෂණ බද්ද මසකට අය කළ හැක්කේ සියයට 2.5 ක් පමණක් වුවද ලෙකෝ සමාගම ජනවාරි මස විදුලි බිලෙන් මහජන ආරක්ෂක බද්ද ලෙස සියයට 5 ක් අය කරගෙන ඇති බවත් එම අය කිරීම නීති විරෝධී බවත් පාරිභෝගිකයෝ කියති.
ලෙකෝ සමාගම එහි පාරිභෝගිකයන්ට කිසිදු පෙර දැනුම් දීමක් නොමැතිව මෙම බද්ද අය කරගෙන ඇති බවද පාරිභෝගිකයෝ වැඩිදුරටත් චෝදනා කරති.
බදු ගෙවන්නාගේ අතපසුවීමකින් තොරව බද්ද අය කර ගැනීමට නොහැකි වූයේ නම් මහජන ආරක්ෂණ බද්ද පසුව අයකර ගැනීමට නීතිමය ප්රතිපාදන නොමැති බව බදු පිළිබඳ විශේෂඥයෝ පවසති.
එවැනි බදු අය කර ගැනීමේ ප්රමාදයක් සිදුවූයේ නම් එම බදු ප්රමාණය අදාළ ආයතනය විසින් රජයට ගෙවිය යුතු බවද බදු විශේෂඥයෝ වැඩිදුරටත් පෙන්වා දෙති.
එම සමාගම ඊයේ (5) පෙරවරුවේ පාරිභෝගිකයන් වෙත විදුලි බිල්පත යොමු කිරීමෙන් පසුව රාත්රී 10.00 ද පසු වී පසුගිය වසරේ නොවැම්බර් සහ දෙසැම්බර් මාසවල සමාජ ආරක්ෂණ බද්ද ඉදිරිබිල් වලින් අය කරගන්නා බව පාරිභෝගිකයන් වෙත දුරකථන කෙටි පඩිවිඩයක් ඔස්සේ මෙසේ දැනුම් දී තිබුණි.
එම කෙටි පණිවිඩය පහත දැක්වේ.
හිතවත් පාරිභෝගිකයනි, 2023 සැප්තැම්බර් මස හඳුන්වා දුන් මහජන ආරක්ෂණ දායකත්වය බද්ද, මසකට පසුව ඔබේ බිල්පත්වලින් අය කිරීම ආරම්භ විය. ඒ අනුව, ලෙකෝ 2023 නොවැම්බර් සහ දෙසැම්බර් මාස දෙක සඳහා මහජන ආරක්ෂණ බද්ද ඔබේ නවතම බිල්පතට ඇතුළත් කරනු ඇත. පැහැදිලි කිරීම් සඳහා කරුණාකර 1910 අමතන්න
මෙම සමාජ ආරක්ෂණ බද්ද අය කිරීම පිළිබඳව ලෙකෝ සමාගමේ සභාපති අතුල ද සිල්වා මහතාගෙන් කළ විමසුමකදී පැවසුවේ අදාල බදු අය කිරීම පිළිබඳ නීතිමය තත්වය ගැන අධ්යයනයක් කිරීමෙන් පසුව ප්රකාශයක් කළ හැකි බවත් විදුලි බිල සම්බන්ධයෙන් සියලුම තීරණ මහජන උපයෝගීතා කොමිසම හරහා ගන්නා බවත්ය.
මහජන ආරක්ෂණ බද්ද ලෙකෝ සමාගමට දැරිය නොහැකි බවත් එය අනිවාර්යයෙන්ම පාරිභෝගිකයාගෙන් අය කරගත යුතු බවත් අතුල ද සිල්වා මහතා වැඩිදුරටත් සඳහන් කළේය.
පොළොන්නරුව මඩකලපුව ප්රධාන මාර්ගයේ කදුරුවෙල නගරයේ ඊයේ රාත්රී 8ට පමණ වෙළඳසැක් දෙකක හදිස්සි ගිනිගැනීමක් සිදු…
පසුගිය මැතිවරණ කටයුතුවලින් වෙහෙසට පත්වීම හේතුවෙන් ජාතික ජන බලවේගයේ නායක සහ ජනාධිපති අපේක්ෂක අනුර කුමාර…
2024 සැප්තැම්බර් මස 08 වන ඉරිදා දින කාලගුණ වාර්තාව මෙලෙස සයහන්ව තිබුණා. බස්නාහිර, සබරගමුව සහ…
ගලෙන්බිදුණුවැව - අක්කර විස්ස ප්රදේශයේ නිවසක අල්මාරියක මුදල් දමන ප්ලාස්ටික් කැටයක සඟවා තිබු පතොරම් තොගයක්…
පාදුක්ක, මාහිංගල ප්රදේශයේ නිවසක නවතා තිබූ කැබ් රථයක් සහ ත්රිරෝද රථයක් හදිසියේ ම ගිනි ගෙන…
ඉන්දීය රුපියල් කෝටි 92ක බදු මුදලක් ගෙවමින් 2024 මූල්ය වර්ෂය සඳහා වැඩිම ආදායම් බදු ගෙවූ…