තම පවුලේ සාමාජිකයන් ශ්‍රී ලංකා පොදුජන පෙරමුණ සමඟ කිසිදු සම්බන්ධයක් නොමැති බවත්, ඔවුන් කිසිදු දේශපාලන තීරණයක කොටස්කරුවන් නොවන බවත් පක්ෂයට එරෙහිව සිදුකරන අනවශ්‍ය ප්‍රකාශවලින් ජනතාව නොමඟ නොයැවිය යුතු බවත්, හිටපු ජනාධිපති සහ ශ්‍රී ලංකා පොදුජන පෙරමුණේ නායක හිටපු ජනාධිපති මහින්ද රාජපක්ෂ මහතා පැවසූ බව ඉංග්‍රීසි පුවත්පතකට අදාළ වෙබ් අඩවියක් වාර්තා කරනවා.
ඒ අනුව හිටපු ජනාධිපතිවරයා පවසා ඇත්තේ, තම පක්ෂයේ දේශපාලන තීන්දු මහජනතාවට දැනුම් දෙන්නේ පක්ෂයේ ජ්‍යෙෂ්ඨයන් හරහා මිස පවුලේ සාමාජිකයන් හරහා නොවන බවයි.
කෙසේ නමුත්, පසුගිය දා යූ ටියුබ් නාලිකාවක සම්මුඛ සාකච්ඡාවකට එක් වෙමින් රාජපක්ෂ පවුලේ සමීප ඥාතියෙකු වන උදයංග වීරතුංග මහතා ශ්‍රී ලංකා පොදුජන පෙරමුණ හා සම්බන්ධ දේශපාලන කාරණා ගණනාවක් අනාවරණය කළ අතර, ඉන් පසු හිටපු ජනාධිපතිවරයාගෙන් මෙම ප්‍රකාශය නිකුත් වීම ද විශේෂයක්.