පිළියන්දල – මාවිත්තර කනත්ත පාරේ පිහිටා ඇති ගිනිකෙළ නිෂ්පාදන ආයතනය ගින්නක් හට ගෙන තිබෙනවා.
ඉන් එහි හිමිකරු සහ ඔහුගේ දරුවන් දෙදෙනෙකු පිළිස්සුම් තුවාල ලබා ඇති බවයි, පොලිසිය සඳහන් කළේ.
තුවාලකරුවන් මේ වනවිට කළුබෝවිල රෝහලට ඇතුළත් කර ඇති බව සඳහන්. ගින්නෙන් නිවසේ තිබූ ගෘහ භාණ්ඩවලට, යතුරු පැදියකට සහ ගිනිකෙළි නිෂ්පාදන අමුද්‍රව්‍ය සියල්ලට ම හානි සිදුව ඇති බව ද පොලිසිය සඳහන් කළා.
අදාළ ස්ථානයේ රතිඤ්ඤා ඇතුළු ගිනිකෙළි ආශ්‍රිත නිෂ්පාදන සිදු කර තිබෙනවා.
ඒවා අද (31) පෙරවරුවේ අලෙවි කිරීමට රැගෙන යාමට අවශ්‍ය කටයුතු සිදු කරමින් සිටිය දී ඇති වූ ගින්නකින් මෙම පිපිරීම සිදුව ඇති ඇති බව සඳහන්.
මෙම නිෂ්පාදන ආයතනය අනවසරයෙන් පවත්වාගෙන ගොස් ඇති බවටයි මූලික විමර්ශනවල දී අනාවරණ වී ඇත්තේ.