මෙම වසරේ සැප්තැම්බර්, ඔක්තෝම්බර්, නොවැම්බර් සහ දෙසැම්බර් මාසවල දී විවිධ ආපදා හේතුවෙන් සේවය වාර්තා කිරීමට නොහැකි වූ රාජ්‍ය සේවකයන් සම්බන්ධයෙන් රජය විශේෂ තීරණයක් ගෙන තිබෙනවා.
ඒ අනුව ඔවුන් එම දිනයන් වෙනුවෙන් විශේෂ නිවාඩු ලබා දීමටයි පියවර ගෙන ඇත්තේ.
මේ අනුව විවිධ පළාත්වල සිදුවූ ගංවතුර, ජල ගැලීම්, නායයෑම්, මාර්ග අවහිරතා ආදී හේතුන් නිසා හටගත් ප්‍රවාහන දුෂ්කරතා, අවතැන්වීම් සහ විපත්වලට ලක්ව රාජකාරි ස්ථානවලට වාර්තා කිරීමට නොහැකිවූ රාජ්‍ය සේවකයන්ට මෙම වරප්‍රසාද හිමි වනු ඇති.
මෙම නිවාඩු ලබා ගැනීම සඳහා තමන් පදිංචි වසමේ ග්‍රාම නිලධාරීගේ නිර්දේශය සහිත ඉල්ලීම තම ආයතන ප්‍රධානින් වෙත යොමු කළ යුතු වනවා.
රාජ්‍ය පරිපාලන ස්වදේශ කටයුතු අමාත්‍යාංශයේ ලේකම් කේ.ඩී.එන්.රංජිත් අසෝක මහතාගේ සිය අත්සනින් යුත් චක්‍රලේඛයක් නිකුත් කරමින් මේ බව සඳහන් කළා.