අමාත්යාංශ 10 ක් සඳහා ජනාධිපතිවරයා විසින් නව ලේකම්වරුන් පත් කර තිබෙනවා.
මෙම පත්වීම් ලබන මස පළමුවනදා සිට ක්රියාත්මක බවයි ජනාධිපති මාධ්ය අංශය සඳහන් කළේ.
ඒ අනුව, අධ්යාපන අමාත්යාංශයේ නව ලේකම් ලෙස වසන්තා පෙරේරා පත් කර ඇති අතර එහි මෙතෙක් කටයුතු කළ නිහාල් රණසිංහ පත් කර ඇත්තේ අධිකරණ බන්ධනාගාර කටයුතු හා ආණ්ඩුක්රම ව්යවස්ථා ප්රතිසංස්කරණ අමාත්යාංශයේ ලේකම්වරයා ලෙසයි.
වනජිවි හා වන සම්පත් සංරක්ෂණ අමාත්යාංශයේ නව ලේකම්වරයා ලෙස ගුණදාස සමරසිංහ, ජල සම්පාදන හා වතු යටිතල පහසුකම් අමාත්යාංශයේ ලේකම්වරයා ලෙස ඒ.සී.මොහොමඩ් නෆීල් සහ රාජ්ය පරිපාලන, ස්වදේශ කටයුතු පළාත් සභා සහ පළාත් පාලන අමාත්යාංශයේ නව ලේකම්වරයා ලෙස ඩබ්ලිව්.පී.පී. යසරත්න පත් කර තිබෙනවා.
වාරිමාර්ග අමාත්යාංශයේ නව ලේකම්වරයා ලෙස සමන් දර්ශන පඬිකෝරාල පත් කර ඇති අතර, පරිසර අමාත්යාංශයේ නව ලේකම්වරයා වන්නේ බී.කේ.පී. චන්ද්රකීර්තියි.
ආචාර්ය සුලක්ෂණ ජයවර්ධන විදුලිබල හා බලශක්ති අමාත්යාංශයේ නව ලේකම්වරයා ලෙසත්, ඉංජිනේරු, රංජිත් රූබසිංහ ප්රවාහන හා මහාමාර්ග අමාත්යාංශය සදහාත් ආචාර්ය ධර්මසිරි කුමාරතුංග තාක්ෂණ අමාත්යාංශයේ ලේකම්වරයා ලෙසත් පත් කර තිබෙනවා.
මීට අමතරව, බස්නාහිර සහ උතුරුමැද පළාත් සභා සඳහා ද ජනාධිපතිවරයා විසින් ප්රධාන ලේකම්වරුන් පත් කර තිබෙනවා.
ඒ අනුව බස්නාහිර පළාතේ ප්රධාන ලේකම්වරයා වන්නේ එස්.එල්.ඩී.කේ. විජේසිංහයි. ආර්.එම්.ඩබ්ලිව්.එස් සමරදිවාකර උතුරුමැද පළාතේ ප්රධාන ලේකම්වරයා ලෙස පත් කෙරුණා.
ගලෙන්බිදුණුවැව - අක්කර විස්ස ප්රදේශයේ නිවසක අල්මාරියක මුදල් දමන ප්ලාස්ටික් කැටයක සඟවා තිබු පතොරම් තොගයක්…
පාදුක්ක, මාහිංගල ප්රදේශයේ නිවසක නවතා තිබූ කැබ් රථයක් සහ ත්රිරෝද රථයක් හදිසියේ ම ගිනි ගෙන…
ඉන්දීය රුපියල් කෝටි 92ක බදු මුදලක් ගෙවමින් 2024 මූල්ය වර්ෂය සඳහා වැඩිම ආදායම් බදු ගෙවූ…
ඉතිහාසයේ පළමු වරට ශ්රී ලංකා රේගු දෙපාර්තමේන්තුව 2024 වසරේ මේ දක්වා රුපියල් ට්රිලියනයක රේගු ආදායමක්…
යුරෝපා නේෂන්ස් කුසලාන පාපන්දු තරගාවලියේ ක්රොඒෂියාව සමඟ පැවැති තරගයේදී රොනාල්ඩෝ රැස්කළ සුපිරි ගෝලයත් සමග පාපන්දු…
මෙවර ජනාධිපතිවරණයේදී ජනාධිපති රනිල් වික්රමසිංහට සහාය නොදෙන ආණ්ඩු පාර්ශ්වය නාමිකව නියෝජනය කරන සියලු මැති ඇමතිවරුන්ට…