පාතාලා නායකයින්ට අත්වන්නේ මරණය පමණක් බව මහජන ආරක්ෂක අමාත්‍ය ටිරාන් අලස් මහතා පවසනවා.
අමාත්‍යවරයා උත්සවයකදී අමතමින් පෙන්වා දුන්නේ හෙට (17) සිට අපරාධ කල්ලි මැඩපැවැත්වීමට විශේෂ මෙහෙයුම් අරඹන බවයි.
ජූනි 30 වනවිට රට තුළ සම්පූර්ණ වෙනසක් සිදුකිරීම සඳහා පොලීසියට කාලය ලබාදී ඇති බව ඔහු වැඩිදුරටත් සඳහන් කළා.
“මේ වැඩේට අපිත් එක්ක එකතු වෙන්න. අපි බොහොම තදින් ක්‍රියා කරනවා. මොන ලොක්කා කතා කළත් කුඩුකාරයෝ බේරගන්න, මම ඒකට ඉඩ දෙන්නෑ. පොලිසියට දීලා තියෙන ජූනි 30 වෙනකල් විතරයි. 30 වෙනකොට සම්පූර්ණ වෙනසක් වෙන්න ඕනේ මේ රටේ. සමහර වෙලාවට සමාජ මාධ්‍යය අපිට ගහයි. ඒගොල්ලෝ හිතනවා නම් ඒවා කරලා අපිව නවත්තන්න පුළුවන් කියලා ඒක කවදාවත් වෙන්නේ නෑ” යනුවෙන් අමාත්‍යවරයා වැඩිදුරටත් ප්‍රකාශ කළා.