යුධ හමුදා සෙබළුන් දෙදෙනෙක් සියදිවි හානි කරගනී !

ගම්පොළ ප්‍රදේශයේ යුද හමුදා ලාන්ස් කෝප්‍රල්වරු දෙදෙනෙක් සියදිවි හානි කරගෙන තිබෙනවා.

මොවුන් දෙදෙනාම පසුගිය 01 වැනිදා මෙලෙස සියදිවි හානිකර ගෙන ඇති බවයි වාර්තා වන්නේ.

මෙලෙස සියදිවි හානි කරගෙන ඇත්තේ 21 හැවිරිදි සහ 42 හැවිරිදි වියේ පසු වූ යුද හමුදා සෙබළුන් දෙදෙනෙක්.

යුද හමුදා ඉංජිනේරු බලකා පල්ලේකැලේ කඳවුරේ රාජකාරි කටයුතු කළ ගම්පොළ, උනම්බුව ප්‍රදේශයේ පදිංචිව සිටි 21 හැවිරිදි ලාන්ස් කෝප්‍රල්වරයා ඔහු සමඟ සේවය කරන අනෙකුත් සාමාජිකයින්ගෙන් එල්ල වූ බලපෑම් දරාගත නොහැකිව නිවස තුළ දී මෙලෙස සියදිවි හානිකරගෙන ඇති බවයි වාර්තා වුණේ.

හමුදා කඳවුරේ ඇතැම් සෙබළුන් මොහුගෙන් නිරන්තරයෙන් මුදල් ඉල්ලා සිදුකරන බලපෑම් හේතුවෙන් එම මුදල් සොයාදීම සඳහා මවගේ රන් භාණ්ඩ පවා උකස් කර ඇති බවයි අනවරණය වී ඇත්තේ.

මේ අතර ගම්පොළ, පල්ලේදෙල්තොට ප්‍රදේශයේ පදිංචිව සිටි 42 හැවිරිදි වියේ පසු වූ යුද හමුදා ලාන්ස් කෝප්‍රල්වයෙක්ද පසුගිය 01 වැනිදා සියදිවි නසාගෙන තිබෙනවා.

මෙම හමුදා සෙබළා නිවාඩු ලබා නිවසට පැමිණ සිටියදී පවුල් ආරවුලක් හේතුවෙන් මෙලෙස සියදිවි නසාගෙන ඇති බවයි අනාවරණය වී ඇත්තේ.

දෙදරු පියෙකු වූ ඔහු බිරිඳ සමඟ ඇතිවූ ආරවුලක් මත පළමුවනදා අලුයම් කාලයේ නිවෙස තුළ එල්ලී මියගොස් ඇති බවයි ගලහා පොලිසිය සඳහන් කළේ.