තම බිරිඳ සමග අනියම් ඇසුරක් පැවැත්වූ වැඩිමහල් සොහොයුරාට පහරදී ඝාතනය කර එම සිරුර දින තුනක් පුරා පෙට්රල් දමා පුළුස්සා අළු කළ පුද්ගලයෙක් අකුරැස්ස
පොලිසිය විසින් අත්අඩංගුවට ගෙන තිබෙනවා.
සැකකරුගෙන් සිදුකළ ප්රශ්න කිරීම් හමුවේ අනාවරණය වී ඇත්තේ සිරුර පුළුස්සා අළු බවට පත්කර පසුව එම අළු වූ ශරීර කොටස් මල්ලක දමා ඔයකට විසිකර ඇති බවයි.
එලෙස ඝාතනයට ලක්ව ඇත්තේ අකුරැස්ස, හේනේගම, බලපාත, උඩුගමවත්ත හේන ප්රදේශයේ පදිංචිව සිටි 65 හැවිරිදි පුද්ගලයෙක්.
මෙලෙස මියගිය තැනැත්තාගේ බිරිඳ විසින් පොලිසියට පවසා ඇත්තේ පසුගිය ඔක්තෝබර් මස 28 වනදා තම සැමියා අකුරැස්සේ සිට දෙහිඅත්තකණ්ඩිය පිහිටි තම නිවසට පැමිණෙන බව කීවත් ඔහු ගැන මාසයක් මුළුල්ලේ කිසිදු තොරතුරක් නොමැති බැවින් තමන් විසින් පොලිසියට පැමිණිල්ලක් සිදුකළ බවයි.
එම පැමිණිල්ල මත විමර්ශන සිදුකර අදාළ පුද්ගලයාගේ මියයෑම සම්බන්ධයෙන් ඔහුගේ බාල සහෝදරයා වූ 58 හැවිරිදි අයෙක් සැකපිට අත්අඩංගුවට ගැනීමට පොලිසිය සමත් වී තිබෙනවා.
එහිදී ඔහුගෙන් සිදුකළ දීර්ඝ ප්රශ්න කිරීම් හමුවේ පවසා ඇත්තේ සැකකරුගේ බිරිඳ මීට වසර දෙකකට පෙර දියේ ගිලී මියගොස් ඇති බවත් ඇය මියයෑමට පෙර ඝාතනයට ලක්වු වැඩිමහල් සහෝදරයා සමග අනියම් ඇසුරක් පවත්වා ඇති බවත්, ඒ වෛරය නිසා වැඩිමහල් සහෝදරයා ඔක්තෝබර් 28 වනදා රාත්රීයේ පිටව ගිය අවස්ථාවේ දී නිවසට ආසන්න ස්ථානයක දී ඔහුගේ හිසට පොල්ලකින් පහරදී ඝාතනය සිදුකළ බවයි.
පසුව ඝාතනයට ලක්වූ සහෝදරයාගේ සිරුර කැළයට රැගෙන ගොස් පෙට්රල් දමා පුළුස්සා ශරීර කොටස් මුළුමනින්ම දහනය කර දින 03ක් පුරා මුළු ශරීරයම පුළුස්සා ඇතැයි ද සැකකරු පාපොච්චාරණය කර තිබෙනවා.
අත්අඩංගුවට ගත් සැකකරු මාතර මහෙස්ත්රාත් අධිකරණය හමුවට ඉදිරිපත් කිරීමෙන් පසු ලබන 15වනදා තෙක් රක්ෂිත බන්ධනාගාර ගත කිරීමට මහේස්ත්රාත්වරයා නියෝග කර තිබෙනවා.
2024 සැප්තැම්බර් මස 08 වන ඉරිදා දින කාලගුණ වාර්තාව මෙලෙස සයහන්ව තිබුණා. බස්නාහිර, සබරගමුව සහ…
ගලෙන්බිදුණුවැව - අක්කර විස්ස ප්රදේශයේ නිවසක අල්මාරියක මුදල් දමන ප්ලාස්ටික් කැටයක සඟවා තිබු පතොරම් තොගයක්…
පාදුක්ක, මාහිංගල ප්රදේශයේ නිවසක නවතා තිබූ කැබ් රථයක් සහ ත්රිරෝද රථයක් හදිසියේ ම ගිනි ගෙන…
ඉන්දීය රුපියල් කෝටි 92ක බදු මුදලක් ගෙවමින් 2024 මූල්ය වර්ෂය සඳහා වැඩිම ආදායම් බදු ගෙවූ…
ඉතිහාසයේ පළමු වරට ශ්රී ලංකා රේගු දෙපාර්තමේන්තුව 2024 වසරේ මේ දක්වා රුපියල් ට්රිලියනයක රේගු ආදායමක්…
යුරෝපා නේෂන්ස් කුසලාන පාපන්දු තරගාවලියේ ක්රොඒෂියාව සමඟ පැවැති තරගයේදී රොනාල්ඩෝ රැස්කළ සුපිරි ගෝලයත් සමග පාපන්දු…