පහ වසර ශිෂ්යත්ව විභාගය පිළිබඳ බොහෝ කතාබහ ඇති වී තිබෙන්නේ එහි ප්රතිඵල නිකුත් වීමෙන් අනතුරුව ය. දරුවන්ට ශිෂ්යත්ව විභාගය අනවශ්ය පීඩනයක් යැයි බොහෝ බොහෝ දෙනා කියති. නමුත් ගමේ අහිංසක මල් කැකුළු පිපී දිලෙන්නට, සුවඳ හමන්නට මඟක් ඔවුන්ට වුවමනා ය.
වන්නියේ දරුවන් ඒ මග පාදා ගන්නේ ශිෂ්යත්ව විභාගය හරහා ය. අපේ රට සංවර්ධිත රටක් නොවන නිසා මේ අහිංසක දරුවන්ට ශිෂ්යත්ව විභාගය වත් අවශ්ය ය. ඒ අවශ්යතාවයේ උපරිම ඵල නෙලා ගන්නට මහව අධ්යාපන කලාපයේ එරියාව මහින්ද ප්රාථමික විද්යාලය මෙවරත් සමත් වූ පුවත සතුටින් ලියා තබමු.
එරියාව මහින්ද ප්රාථමික විද්යාලයෙන් මෙවර ශිෂ්යත්ව විභාගයට පෙනී සිටි සිසුන් ගණන 29 කි. ඔවුන් සියලු දෙනාම ශිෂ්යත්ව විභාගය සමත් ය. කඩඉම් ලකුණ පසු කළ සිසුන් විසි දෙනෙකි. ඩබ්ලිව්. එම්. අනුජ ෂෙනාල් වන්නිනායක ලකුණු 185 ක් ලබා ගත්තේය. තවත් සිසුන් නව දෙනෙක් කඩඉම් ලකුණ අසලට ළඟා වූ දරුවන්ය. ලකුණු එකසිය විසි නමයට වඩා අඩු කිසිදු ළමයෙක් නැත. ඉතින් සියල්ලෝම සමත්ය. අපේ රට තුළ තවත් මෙවැනි පාසලක් තිබෙනවාද යන්න සැක සහිතය.
![](https://ceylonnewsfactory.lk/wp-content/uploads/2023/11/01-5-1024x683.jpg)
මේ ජයග්රහණය මෙලෙසම ඔවුන් ලබන්නේ 2016 වර්ෂයේ සිටය. සෑම වර්ෂයකම ශිෂ්යත්ව විභාගයෙන් විශිෂ්ට ප්රතිඵල අත්පත් කරගන්නා මෙම පාසල මෙරට නොදන්නා කෙනෙක් නැති තරම්ය.
ලකුණු 185 ක් ලබාගත් ඩබ්. එම්.මනුජ ෂෙනාල් වන්නිනායක ශිෂ්යයා මෙසේ පැවසුවේය.
අපි ශිෂ්යත්ව විභාගයට ඉගෙන ගත්තෙ හරිම සතුටින්… ළහිරු කොළඹගේ සර් තමයි අපේ පන්ති භාරව හිටියෙ. සර් අපිට ඉගැන්නුවෙ ඉතාම කරුණාවෙන්. අපි වැඩිපුර කාලය ගත කළේ පාසලේ. අපේ ඉස්කෝලේ දුෂ්කර ප්රදේශයක තියෙන නිසා වල් අලින්ගෙන් අපිට හරිම කරදරයි. ඉස්කෝලේ ලොකු සර් අපිට අලි වැටක් ගහලා දෙන්න මැදිහත් වුනා.
ඒ නිසා ඒ ප්රශ්නය විසඳුනා. අපිට ඉගෙන ගන්න හොඳ වටපිටාවක් සකස් කරල දුන්නා. මේ වගේ ප්රතිඵලයක් අපිට ලබන්නට පුළුවන් වුණේ ඒ නිසා. යාලුවෝ ගොඩක් දෙනෙක් පාස් වෙලා.ඉතින් හරිම සතුටුයි. උදව් කරපු හැමෝටම පින්…….. අනාගතයේ රටට දැයට වැඩදායක පුරවැසියෙක් වෙන එක තමයි මගේ බලාපොරොත්තුව
![](https://ceylonnewsfactory.lk/wp-content/uploads/2023/11/02-3-1024x683.jpg)
පාසලේ ජයග්රහණය පිළිබඳ දෙමව්පිය දෙපලක් ද අදහස් දැක්වූහ.
ඩබ්ලිව්.එම්. නිශාන්ත රාජකරුනා ශිෂ්යත්ව ඉස්කෝලේ මෙවර ශිෂ්යත්ව විභාගය සඳහා පෙනී සිටි දරුවෙකුගේ තාත්තා කෙනෙකි. ඔහු අපට මෙසේ කීවේය.
සුපුරුදු පරිදි මෙවරත් අපි ජයග්රහණය ලබලා තියෙනවා .දෙමව්පියො විදිහට අපිට පුදුම සතුටක් තියෙන්නේ. විදුහල්පතිතුමා පාසලේ පරිසරය ඉතාම ලස්සනට සකස් කරලා තියෙනවා. දුෂ්කරතා මගහරවා ගන්න එතුමා අප්රමාණ ලෙස කැප වෙනවා. දරුවො ගැන හොයා බලනවා. ඒ වගේම තමයි මෙවර ශිෂ්යත්ව විභාගයට පෙනී සිටි ළමයින්ගේ පන්ති භාරව සිටි ලහිරු කොළඹගේ ගුරුතුමා. එතුමාගේ කැපවීම උපරිමයි. පාසලේ අනිත් ගුරුවරුනුත් සහයෝගය දැක්වූවා. ඒ සියලු දෙනාගේම කැපවීම නිසා අපේ පාසල මෙවරත් රටේ නමක් දිනාගත්තා.
එච්.එම්. සංගීතා මදුරංගි එරියාව පාසලේ මෙවර ශිෂ්යත්ව විභාගයට පෙනී සිටි දරුවෙකුගේ අම්මා කෙනෙකි. ඇය අසීමිත සතුටෙන් මෙසේ අදහස් දැක්වූවාය.
පහුගිය කාලේ අපේ පාසලට විවිධ බාධක පැමිණුනත් ඒ සියලු බාධක මැඩගෙන තමයි විදුහල්පතිතුමා ඇතුළු ගුරු මණ්ඩලය මේ පාසල කරගෙන යන්නේ. ඒ සියලු බාධාවන්ට මෙවර ත් ශිෂ්යත්ව විභාගයෙන් හොඳ පිළිතුරක් දීල තියෙනවා. අපේ දරුවෝ ගමෙන් නගරෙට ගිහිල්ලා ජනප්රිය පාසලක ඉගෙන ගන්නවා දකින්ට ලැබීම හරිම සතුටක්. දෙමව්පිය හැමදේම කරන්නේ දරුවො වෙනුවෙන්.ඒ බලාපොරොත්තු සාක්ෂාත් කරගන්න මේ පාසලේ විදුහල්පතිතුමා ඇතුළු ගුරු මණ්ඩලයෙන් ලැබෙන්නේ අපමණ සහයෝගයක්. ඒ සියලු සියලු දෙනාටම ස්තූතිවන්ත වෙනවා.
මෙම පාසලේ වර්තමාන විදුහල්පති බී.වි. අනිල් ගාමිනී විජේරත්න මහතා මෙසේ අදහස් දැක්වූයේය.
![](https://ceylonnewsfactory.lk/wp-content/uploads/2023/11/03-1-1024x683.jpg)
පාසල කරගෙන යන්නේ විවිධ බාධක මැද්දේ. මම මගේ උපරිමයෙන් පාසලේ සියලු අඩුපාඩු සම්පූර්ණ කරගන්න උත්සාහ කරනව. දරුවන්ට ඉතා හොඳ ඉගෙනුම් පරිසරයක් පාසල තුළ නිර්මාණය වෙනවා නම් පීඩනයකින් තොරව ඔවුන්ට අධ්යාපන කටයුතුවල නියැළෙන්න පුළුවන්. දරුවෝ ඉගෙන ගත්තෙ ඉතා සතුටින්. අනවශ්ය පීඩනයක් දරුවෝ තුළට පටවනවා වෙනුවට අපි ප්රායෝගික ක්රියාකාරකම් ඇසුරෙන් තමයි ඔවුන්ට ඉගැන්වීම් කටයුතු සිදු කළේ. ඒකාකාරී අධ්යාපන රටාවෙන් මිදුනහම ඒ තුළ පීඩනයක් ඇති වෙන්නේ නැහැ.
මේ දරුවන්ගේ පන්ති භාර ගුරුවරයා ලෙස වැඩ කටයුතු කළේ ලහිරු කොළඹගේ ගුරුතුමා. එතුමා තමන්ගේ පෞද්ගලික වැඩකටයුතු පවා දෙවැනි තැනට දාල තමයි පාසල වෙනුවෙන් කැප උනේ. පාසල අනෙක් සියලුම ගුරුවරු සහ මහව අධ්යාපන කලාපයේ කලාප අධ්යාපන අධ්යක්ෂක තුමා ඇතුලු සියලුම නිලධාරීන් අපට අවශ්ය සහයෝගය ලබා දුන්න.
දෙමව්පියො උපරිමයෙන් කැප වුණා. කණ්ඩායමක් විදියට හැගීමෙන් කටයුතු කලාම ජයග්රහණ ලබාගන්න එක පහසු වෙනවා. ස්වභාවික විපත් අනතුරු පවා මැඩගෙනයි අපි මේ ජයග්රහණය කරා ආවේ.
පාසලේ විදුහල්පතිතුමා විදිහට අහිංසක දරුවන් වෙනුවෙන් හෘද සාක්ෂියට එකඟව වැඩ කටයුතු කිරීමට හැකිවීම පිළිබඳව නිහතමානී සතුටක් මා තුළ තිබෙනවා.
කොහෙද මේ ඉස්කොලේ තියෙන්නෙ නම්බරයක් තියනවද