රට බංකොළොත් කළ පාලකයින්ගේ ප්‍රජා අයිතිය වහා අහෝසි කරන්න – අරගල කරුවන් පාර්ලිමේන්තුවට අභියෝග කරයි !

හිටපු ජනාධිපති ගෝඨාභය රාජපක්ෂ, හිටපු මුදල් අමාත්‍යවරුන් වන මහින්ද රාජපක්ෂ, බැසිල් රාජපක්ෂ මෙන්ම හිටපු මහ බැංකු අධිපති අජිත් නිවාඩ් කබ්‍රාල් සහ හිටපු ජනාධිපති ලේකම් පී. බී ජයසුන්දරගේ ප්‍රජා අයිතිය වහා අහෝසි කරන ලෙස සර්ව පාක්ශික අරගලකරුවන් විසින් මාධ්‍ය නිවේදනයක් නිකුත් කරමින් ඉල්ලා සිටිනවා.

රට බංකොලොත් කළ මජර පාලකයන්ගේ ප්‍රජා අයිතිය අහෝසි කිරීමට පාර්ලිමේන්තුව විසින් යෝජනාවක් සම්මමත කළ යුතු බවට ඔවුන් වැඩිදුරටත් පෙන්වාදෙනවා.

රටේ මිලියන 21 ක ජනතාව ගෑස් හිඟයෙන්, ඉන්ධන හිඟයෙන්, විදුලි කප්පාදුවෙන්, බෙහෙත් හිඟයෙන් පීඩාවට පත්ව සිටියදිත් එකමුතු නොවූ පාර්ලිමේන්තුව, රට බංකොලොත් කල පාලකයින්ට එරෙහිව එකමුතු වේ යැයි ඔවුන් විෂ්වාස නොකරන බවත්, ජනතාවගේ යුක්තිය වෙනුවෙන් සටන් කළ හැකි පාලකයෙක් සිටිනවානම් මෙරට බංකොලොත් කල පාදඩ පාලකයින්ගේ ප්‍රජා අයිතිය අහෝසි කිරීමට යෝජනාවක් ගෙන එන ලෙස පාර්ලිමේන්තුවට අරගලකරුවන් විසින් අභියෝග කර සිටිනවා.

පසුගිය 14 වනදා ශ්‍රේෂ්ඨාධිකරණය විසින් පිටු 265 ක් පුරාවට පසුගිය පාලනයේ පැවති අදූරදර්ශී, වගකීම් විරහිත, වංචාකාරී ස්වරූපය හෙළිදරව් කරනු ලැබූ අතර මෙරට පුරවැසියන්ගේ මූලික අයිතිවාසිකම් ද උල්ලංගණය වූ බවට තීන්දු කරනු ලැබුවා.

ඒ අනුව සර්ව පාක්ශික අරගලකරුවන් මෙම නිවේදනයෙන් පෙන්වා දෙන්නේ ජන අරගලය යුක්තියුක්ත අරගලයක් බවට එමඟින් තහවුරුවන බවයි.

ඔවුන් නිකුත් කළ නිවේදනය පහතින්,