Budget 2024 – රාජ්‍ය සේවකයින්ගේ වැටුප් සහ විශ්‍රාම වැටුප් ඉහළට, ක්‍රියාත්මක වන දිනය මෙන්න !

රාජ්‍ය සේවකයින් සඳහා ලබා දෙන ජීවන දීමනාව රුපියල් 10,000කින් වැඩි කිරීමට යෝජනා කරන බව ජනාධිපති රනිල් වික්‍රමසිංහ මහතා පවසනවා.

ජනාධිපතිවරයා මේ බව ප්‍රකාශ කළේ, 2024 අයවැය (Budget 2024) පාර්ලිමේන්තුවට ඉදිරිපත් කරමින්.

ඒ අනුව ඔවුන්ට ලැබෙන දීමනාව රුපියල් 17,800 දක්වා ඉහළ යනු ඇති.

මෙම වැටුප් වර්ධනය අප්‍රේල් මාසයේ සිට ක්‍රියත්මක අතර ජනවාරි මාසයේ සිට අප්‍රේල් මාසය දක්වා වූ හිඟ ජීවන වියදම ලබන වසරේ ඔක්තෝබර් මාසයේ සිට වාරික වශයෙන් එකතු කිරීමට නියමිතයි.

මේ අතර පවතින විශ්‍රාම වැටුප රුපියල් 2,500කින් ඉහළ දමන බව ද අයවැය යෝජනාවක් ලෙස දිරිපත් කරනු ලැබුවා.

ඒ අනුව රුපියල් 3,525 ක් ලෙස පැවති විශ්‍රාම වැටුප රුපියල් 6,025 ක් දක්වා ඉහළ දැමීමට ජනාධිපතිවරයා යෝජනා කර තිබෙනවා. එය ලබන වසරේ අප්‍රේල් මස සිට ක්‍රියාත්මක වන බව ජනපති සඳහන් කළා.

එසේම මෙවර අයවැය හරහා රජයේ සේවකයින්ට ආපදා ණය ලබාදීමද සුපුරුදු පරිදි ආරම්භ කරන බව 2024 අයවැය යෝජනා ඉදිරිපත් කරමින් ජනාධිපතිවරයා පැවසීය.

මේ අතර වැඩිහිටි දීමනාව ද ඉහළ දැමීමට පියවර ගෙන තිබේ. ඒ අනුව වැඩිහිටි දීමනාව රුපියල් 3000ක් දක්වා ඉහළ යනු ඇත.

එසේම ආබාධ සහ වකුගඩු රෝගී දීමනාව රුපියල් 5000 සිට 7500ක් දක්වා ඉහළ දැමීමට රජය තීරණය කර ඇත.