මහ බැංකු බැඳුම්කර වංචාව සම්බන්ධයෙන් නීතිපතිවරයා විසින් පවරා තිබූ නඩුවේ පොදු දේපළ පනතට ගැනෙන චෝදනාවලින් හිටපු මහ බැංකු අධිපති ලක්ෂ්මන් අර්ජුන මහේන්ද්රන් ඇතුළු විත්තිකරුවන් දසදෙනකු නිදොස්කොට නිදහස් කරමින් ලබාදී තිබූ තීන්දුව අත්හිටුවීමට ශ්රේෂ්ඨාධිකරණය නියෝග කර තිබෙනවා.
නීතිපතිවරයා විසින් ගොනුකර තිබූ අභියාචනාවක් කැඳවූ අවස්ථාවේදී ජ්යෙෂ්ඨ අතිරේක සොලිසිටර් ජනරාල් ජනාධිපති නීතිඥ ප්රියන්ත නාවාන කළ කරුණු දැක්වීම් සලකා බැලූ, මුර්දු ප්රනාන්දු, පී. පද්මන් සූරසේන, ඒ. එච්. එම්. ඩී. නවාස්, ශිරාන් ගුණරත්න හා අර්ජුන ඔබේසේකර යන විනිසුරු මඬුල්ල එම නියෝගය කළා.
විශේෂ මහාධිකරණ අභියාචනාධිකරණය විසින් ලබාදී තිබු පෙර කී නියෝගයට එරෙහිව නීතිපතිවරයා ගොනුකර තිබූ අභියාචනාවක් සම්බන්ධයෙන් ශ්රේෂ්ඨාධිකරණ පංචපුද්ගල විනිසුරු මඬුල්ල නීතිපතිවරයාගේ අභියාචනාව ලබන වසරේ පෙබරවාරි 5 වැනිදා විභාග කිරීමට නියම කෙරුණා.
එම නඩුවේ සෙසු චෝදනා විභාග කිරීම වළක්වමින් ද ශ්රේෂ්ඨාධිකරණය, එම තීන්දුව ලබාදුන් ත්රිපුද්ගල විනිසුරු මඬුල්ලට තහනම් නියෝගයක් නිකුත් කළා.
2015.02.27 වැනිදා පැවැති මහ බැංකු බැඳුම්කර වෙන්දේසියකදී රජයට අයත් රුපියල් මිලියන 688 ක් සාවද්ය පරිහරණය කිරීම, ඒ සඳහා ආධාර අනුබල දීම ඇතුළු අධිචෝදනා 23 ක් යටතේ නීතිපතිවරයා විසින් හිටපු මහ බැංකු අධිපති ලක්ෂ්මන් අර්ජුන මහේන්ද්රන්, ඔහුගේ බෑනා වූ අර්ජුන් ඇලෝසියස්, පර්පෙචුවෙල් ට්රේෂරිස් සමාගම සහ එහි අධ්යක්ෂවරුන් හා හිටපු නියෝජ්ය මහ බැංකු අධිපති පත්තිනිගේ සමරසිරි ඇතුළු විත්තිකරුවන් දසදෙනකුට එරෙහිව එම නඩුව පවරා තිබුණා.
පර්පෙචුවෙල් ටේරෂරීස් සමාගම භෞතික පුද්ගලයකු නොවන බවට විත්තියේ නීතිඥවරුන් ඉදිරිපත් කළ මූලික විරෝධතාවක් සලකා බැලූ, අමල් රණරාජා. නාමල් බණ්ඩාර බලල්ලේ සහ ආදිත්ය පටබැඳිගේ ගෙන් සමන්විත විශේෂ ත්රිපුද්ගල විනිසුරු මඬුල්ල පොදු දේපළ පනත යටතේ ගැනෙන චෝදනාවලින් එම විත්තිකරුවන් නිදොස්කොට නිදහස් කරමින් තීන්දුවක් ලබාදී තිබූ අතර සෙසු චෝදනා සම්බන්ධයෙන් නඩු විභාගය ඉදිරියට පවත්වාගෙන යෑමට තීරණය කර තිබුණා.
2024 සැප්තැම්බර් මස 08 වන ඉරිදා දින කාලගුණ වාර්තාව මෙලෙස සයහන්ව තිබුණා. බස්නාහිර, සබරගමුව සහ…
ගලෙන්බිදුණුවැව - අක්කර විස්ස ප්රදේශයේ නිවසක අල්මාරියක මුදල් දමන ප්ලාස්ටික් කැටයක සඟවා තිබු පතොරම් තොගයක්…
පාදුක්ක, මාහිංගල ප්රදේශයේ නිවසක නවතා තිබූ කැබ් රථයක් සහ ත්රිරෝද රථයක් හදිසියේ ම ගිනි ගෙන…
ඉන්දීය රුපියල් කෝටි 92ක බදු මුදලක් ගෙවමින් 2024 මූල්ය වර්ෂය සඳහා වැඩිම ආදායම් බදු ගෙවූ…
ඉතිහාසයේ පළමු වරට ශ්රී ලංකා රේගු දෙපාර්තමේන්තුව 2024 වසරේ මේ දක්වා රුපියල් ට්රිලියනයක රේගු ආදායමක්…
යුරෝපා නේෂන්ස් කුසලාන පාපන්දු තරගාවලියේ ක්රොඒෂියාව සමඟ පැවැති තරගයේදී රොනාල්ඩෝ රැස්කළ සුපිරි ගෝලයත් සමග පාපන්දු…