2023 එක්දින ලෝක කුසලාන ක්‍රිකට් තරගාවලියේ (World Cup 2023) ශ්‍රී ලංකාව සහ ඉන්දියාව අතර පැවති තරගයෙන් ලකුණු 302 විශිෂ්ට ජයක් වාර්තා කරන්නට ඉන්දීය කණ්ඩායම සමත් වුණා.
ඒ ශ්‍රී ලංකා කණ්ඩායමේ සියලුම ක්‍රීඩකයින් ලකුණු 55 වැනි අඩු ලකුණු සංඛ්‍යාවකට දවා ගනිමින්.
තරගය පැවැත්වුණේ මුම්බායි හි වන්කඩේ ක්‍රීඩාංගණයේදීයි. තරගයේ කාසියේ වාසිය හිමි කරගත් ශ්‍රී ලංකා නායක කුසල් මෙන්ඩිස් පළමුව පන්දුවට පහරදීමේ අවස්ථාව ඉන්දීය කණ්ඩායමට ලබාදුන්නා.
ඊට නිසි පිළිතුරු දුන් ඉන්දීය ක්‍රීඩකයින් සිය පන්දුවාර 50 අවසානයේ කඩුලු 08 දැවී ලකුණු 357 ක් ලබා ගත්තා.
ලකුණු 358ක දැවැන්ත ඉලක්කයක් හඹා යාමට පිටියට පිවිසි ශ්‍රී ලංකා කණ්ඩායමට සියලුම ක්‍රීඩකයින් දැවී ලබා ගැනීමට හැකි වූයේ ලකුණු 55ක් පමණයි.
එහිදී ශ්‍රී ලංකා කණ්ඩායම වෙනුවෙන් කසුන් රාජිත ලකුණු 14ක්ද, ඇන්ජලෝ මැතිව්ස් ලකුණු 12ක්ද, මහීෂ් තීක්ෂණ නොදැවී ලකුණු 12 ක්ද රැස්කර ගැනීමට සමත් වුණා.
ශ්‍රී ලංකා කණ්ඩායමේ වෙනත් කිසිදු ක්‍රීඩකයෙකුට ලකුණු 10 සීමාව ඉක්මවා යාමට හැකියාවක් ලැබුණේ නැහැ.
ඉන්දීය පන්දු යවන්නන් විසින් ලකුණු 10ක් අතිරේක ලකුණු ලෙස ලබා දුන්නා. මෙම ජයග්‍රහණයත් සමඟින් ඉන්දීය කණ්ඩායම 2023 ලෝක කුසලාන තරගාවලියේ අවසන් පූර්ව වටයට සුදුසුකම් ලබනු ඇති.
විවෘත රාජ්‍ය හවුල්කාරිත්වය (OGP) සඳහා ශ්‍රී ලංකාවේ කැපවීම නැවත සාකච්ඡා කිරීමට සහ OGP වැඩසටහන නැවත…
උසස් පෙළ විභාගය පැවැත්වෙන කාල සීමාව තුළ ආපදා තත්ත්වයන් හේතුවෙන් ඇතිවිය හැකි බාධා මගහරවා ගනිමින්…
අධිකරණ නියෝගයකට අනුව වේයන්ගොඩ, වඳුරව ප්‍රදේශයේ වගුරු සහිත භූමියක ඇති බව කියන නිධානය සොයා පුරා…
ශ්‍රී ලංකාවට ලබා දී ඇති විස්තීරණ ණය අරමුදල් පහසුකම (EFF) යටතේ තුන්වන සමාලෝචනය අවසන් කිරීම…
මේ දිනවල ජනතාව අතර වෛරස් උණ රෝගයක් ව්‍යාප්ත වෙමින් ඇති බව සෞඛ්‍ය අංශ අනාවරණය කරනවා.…
විදෙස්ගත ශ්‍රමිකයින්ට මෙරටට විද්‍යුත් වාහන ගෙන්වීමට ලබා දී තිබූ බලපත්‍ර 1000කට අධික සංඛ්‍යාවක් අවභාවිත කර…