බාල වයස්කාර පිරිමි ළමුන් තිදෙනෙකු අපයෝජනයට ලක් කිරීම සහ තවත් පිරිමි දරුවන් කිහිපදෙනකු ලිංගික අතවරයන් සඳහා පොලඹවා ගැනීමට තැත් කිරීමේ සිද්ධියට අදාළ විදුහල්පති හිමියන්ගේ කට හඬ පරීක්ෂාවට යොමු කර තිබෙනවා.
මේ බව පොළොන්නරුව කොට්ඨාස අපරාධ විමර්ශන අංශය විසින් හිඟුරක්ගොඩ මහෙස්ත්‍රාත් අධිකරණයට දැනුම් දුන් බවයි අප වාර්තාකරු සඳහන් කළේ.
ඊට අදාළ වාර්තාව ලද විගස එය අධිකරණයට ඉදිරිපත් කරන බව ද ඔවුන් ප්‍රකාශ කර ඇති බව සඳහන්. අදාළ පරීක්ෂණය සඳහා කකාර හිමිනමගේ කටහඬ සහ දරුවන්ගේ කටහඬ රජයේ රස පරීක්ෂවරයා වෙත යොමු කර ඇති බවයි වාර්තා වන්නේ.
තමා සේවය කරන පාසලේම අධ්‍යාපනය ලබන බාල වයස්කාර දරුවන් සිවුදෙනකු අපයෝජනය කිරීමේ සහ තවත් බාල වයස්කාර පිරිමි දරුවන් කිහිපදෙනකු අපයෝජනය කිරීමට තැත් කිරීමේ චෝදනා සම්බන්ධයෙන් හිටපු විදුහල්පතිවරයකු වූ හිමිනමකට එරෙහිව හිඟුරක්ගොඩ මහෙස්ත්‍රාත් අධිකරණය හමුවේ පවතින නඩුව යළි පසුගියදා කැඳවා තිබුණා.
අධිකරණයට කරුණු දක්වමින් පොළොන්නරුව විශේෂ අපරාධ විමර්ශන අංශයේ ස්ථානාධිපතිවරයා කියා සිටියේ ඇතැම් බාල වයස්කාර පාසල් දරුවන් ලිංගික අතවරයන් සඳහා දුරකථන සංවාද ඔස්සේ පොලඹවා ගෙන ඇති බවට සහ පොලඹවා ගැනීමට තැත් කළ බවට සැක කෙරෙන හඬපට කිහිපයක් පොලිසිය සතුව ඇති බවයි.
එම හඬපටවල පටිගතව ඇති දුරකථන සංවාද පැමිණිලිකාර දරුවන්ගේ සහ විත්තිකාර හිමිනමගේ කටහඬ හා සැසඳේද යන්න අනාවරණ කර ගත යුතුයි. ඒ සඳහා රජයේ රස පරීක්ෂකවරයා මඟින් විමර්ශනයක් සිදු කරවා ගැනීමට අවශ්‍ය බව ද උප පොලිස් පරීක්ෂක අධිකරණය හමුවේ ප්‍රකාශ කළා.
ඒ අනුව අදාළ පරීක්ෂණයට පෙනී සිටින ලෙසට විත්තිකාර හිමිනමට නියෝගයක් නිකුත් කරන ලෙසටයි ඔහු අධිකරණයෙන් ඉල්ලා සිටියේ.
මෙම කරුණු දැක්වීම සැලකිල්ලට ගත් මහෙස්ත්‍රාත්වරිය සැකකාර හිමිනමට මීට පෙර නියෝග කළේ රජයේ රස පරීක්ෂකවරයා විසින් නම් කරනු ලබන දිනයක හා වේලාවක අදාළ කටහඬ පරීක්ෂණයට රජයේ රස පරීක්ෂකවරයා හමුවේ පෙනී සිටින ලෙසයි.
පොළොන්නරුව කොට්ඨාස අපරාධ විමර්ශන අංශය මඟින් 2021/08/04 වැනි දින සැකපිට අත්අඩංගුවට ගත් හිමියන් අධිකරණ නියෝග මත 2021/08/18 වන දින දක්වා රිමාන්ඩ් බන්ධනාගාර ගත කර තිබෙනවා.
ඒ අනුව මෙම චෝදනා එල්ල වන අවස්ථාවේ හිඟුරක්ගොඩ ප්‍රදේශයේ ප්‍රසිද්ධ පාසලක විදුහල්පතිවරයකුව සිටි එම හිමියන් දැනට සිටින්නේ අධිකරණය මඟින් නියම කළ දැඩි ඇප කොන්දේසි මතයි.
ඒ හිමියන්ට එරෙහිව අධිකරණය හමුවේ ළමා අපයෝජන චෝදනා එල්ල වීමත් සමඟම ඒ හිමියන්ගේ පළමු වන ශ්‍රේණියේ විදුහල්පති තනතුරේ රාජකාරි වැඩ උතුරුමැද පළාත් අධ්‍යාපන අමාත්‍යාංශයේ ලේකම්වරයා විසින් මේ වන විට තහනම් කර ඇති බව සඳහන්.
සැකකාර හිමිනමට එරෙහිව පොළොන්නරුව කොට්ඨාස අපරාධ විමර්ශන අංශය මඟින් දැනට පමණක් හිඟුරක්ගොඩ මහෙස්ත්‍රාත් අධිකරණය හමුවේ ගොනු කර ඇති චෝදනා පත්‍ර සංඛ්‍යාව තුනක්.
පොළොන්නරුව මඩකලපුව ප්‍රධාන මාර්ගයේ කදුරුවෙල නගරයේ ඊයේ රාත්‍රී 8ට පමණ වෙළඳසැක් දෙකක හදිස්සි ගිනිගැනීමක් සිදු…
පසුගිය මැතිවරණ කටයුතුවලින් වෙහෙසට පත්වීම හේතුවෙන් ජාතික ජන බලවේගයේ නායක සහ ජනාධිපති අපේක්ෂක අනුර කුමාර…
2024 සැප්තැම්බර් මස 08 වන ඉරිදා දින කාලගුණ වාර්තාව මෙලෙස සයහන්ව තිබුණා. බස්නාහිර, සබරගමුව සහ…
ගලෙන්බිදුණුවැව - අක්කර විස්ස ප්‍රදේශයේ නිවසක අල්මාරියක මුදල් දමන ප්ලාස්ටික් කැටයක සඟවා තිබු පතොරම් තොගයක්…
පාදුක්ක, මාහිංගල ප්‍රදේශයේ නිවසක නවතා තිබූ කැබ් රථයක් සහ ත්‍රිරෝද රථයක් හදිසියේ ම ගිනි ගෙන…
ඉන්දීය රුපියල් කෝටි 92ක බදු මුදලක් ගෙවමින් 2024 මූල්‍ය වර්ෂය සඳහා වැඩිම ආදායම් බදු ගෙවූ…
View Comments
බල්ලන්ගේ වැඩ වලට චීවරය පෙන්නන්න එපා, වහාම ඔය දාල තියෙන ෆොටෝ එක වෙනස් කරන්න, විදුහල්පති කෙනෙක් නම් රාජ්‍ය සේවකයෙක් මිස හාමුදුරුවෝ කෙනෙක් නෙමෙයි බත් වැටුප් ලබන බැලයෙක්!!!
නමුත් උත්තම ආචාර්ය/විදුහල්පති ධූරය දරන වැටුප් නොගෙන සමාජ ශෝධනයේ යෙදෙන උතුමෝද ඇත.
එබැවින් මෙවැනි පුවත් සඳහා ඡායාරූප යෙදීමේදී වගකීමෙන් කටයුතු කරන්න.