පරාජයේදීත් ශ්‍රී ලංකා ක්‍රිකට් පිලට දිරි දුන් ‘පර්සි අබේසේකර’ ජීවන ඉනිම නිමා කරයි !

ශ්‍රී ලංකා ක්‍රිකට් කණ්ඩායමේ දිරිගන්වන්නෙකු ලෙස කටයුතු කළ වන පර්සි අබේසේකර අභාවප්‍රාප්ත වී තිබේ.

මිය යන විට ඔහු 87 හැවිරිදි වියේ පසු විය.

ක්‍රිකට් ලෝලීන් ඔහු හැඳින්වූයේ, ‘පර්සි අංකල්’ යන අන්වර්ථ නාමයෙනි.

ඔහු මෙම වසරේ අගෝස්තු මාසයේදී සිය 87 වන උපන්දිනය සැමරූ නමුත් පසුගිය කාලය තුළ ඔහු අසනීපයෙන් සිටි බවට වාර්තා පළ විය.

සැප්තැම්බර් මාසයේදී ශ්‍රී ලංකා ක්‍රිකට් ආයතනය ඔහු වෙනුවෙන් රු. මිලියන 5ක මුදලක් ද ලබා දුන්නේ ය.

‘පර්සි අංකල්’ ශ්‍රී ලංකා ක්‍රිකට් කණ්ඩායමේ දීර්ඝතම කාලයක් දිරිගන්වන්නෙකු ලෙස කටයුතු කළ පුද්ගලයා ලෙස ප්‍රසිද්ධියට පත් විය.

ඔහු 1979 වසරේ පැවති ලෝක කුසලානයේ සිට ශ්‍රී ලංකා ක්‍රිකට් කණ්ඩායම දිරි ගැන්වීම සඳහා ජාතික ධජය රැගෙන කටයුතු කළේ ය.

1936 වසරේ ජූලි 30 වන දා ඔහු ගාල්ල, බූස්සේදී උපත ලැබී ය.

ගාල්ල රිච්මන්ඩ් විද්‍යාලය, ගාල්ල සාන්ත ඇලවීෂියස් විද්‍යාලය, බද්දේගම රතනසාර විද්‍යාලය සහ කොළඹ ඇක්වයිනාස් යුනිවර්සිටි කොලේජ්හි ඔහු අධ්‍යාපනය ලබා තිබේ.