පසු ගිය සඳුදා (17) මධ්‍යම රාත්‍රියේ ලෙබනනයේ මන්සූරි හි කඩා වැටුණු පස් මහල් නේවාසික ගොඩනැගිල්ලක සුන්බුන් යට මිය ගිය පුද්ගලයින් අතර සිටි ශ්‍රී ලංකා කාන්තාවගේ මළ සිරුර දින 06ක මෙහෙයුමකින් පසු ඊයේ (21) සොයාගත් බව ශ්‍රී ලංකා තානාපති කාර්යාලය තහවුරු කළේය.
මියගොස් ඇත්තේ, මාතර ප්‍රදේශයේ පදිංචි අයි. ප්‍රේමලතා නමැති 65 හැවිරිදි කාන්තාවකි.
සඳුදා, මෙට්න් දිස්ත්‍රික්කයේ මන්සූරි හි බද්‍රාන් ප්‍රදේශයේ එඩ්මන්ඩ් යස්බෙක් බ්ලොක් ඊ ගොඩනැගිල්ල මෙසේ විනාශකාරී ලෙස බිඳ වැටිනි.
සිකුරාදා සවස් වන විට කාන්තාවන් මළ සිරුරු හතක් සොයාගෙන තිබිණි.
ඒ හත්දෙනාම කාන්තාවන්ය. ශ්‍රී ලාංකික ගෘහ සේවිකාවගේ සිරුර සොයා මුදවා ගැනීමේ කණ්ඩායම් දිගටම මෙහෙයුම් කර තිබිණි. ඇයගේ මළ සිරුර ඊයේ හමුවූයේය.
ඉදිකිරීමේ දෝෂයක් නිසා බිඳ වැටුණු මෙම ගොඩනැගිල්ලේ කඩා වැටුණු ව්‍යුහයේ එකම කොටසේ ඇති සියලුම ගොඩනැගිලි සඳුදා වනවිට ඉවත් කර තිබිණි.