ගෙම්බන්ගෙන් පමණක් ලේ උරාබොන නව මදුරු විශේෂයක් ගම්පහ මීරිගම ප්රදේශයෙන් සොයාගත් බව කොළඹ වෛද්ය පර්යේෂණායතනයේ කීට විද්යා නිලධාරී ගයාන් ශ්රී කුමාරසිංහ සඳහන් කරයි.
යුරනොටේනිආට්රයිලීනිඒටා (Uranotaeniatrilineata) යන නමින් හඳුන්වන මෙම මදුරු විශේෂය ලංකාවේ දැනට වාර්තා වන කුඩාම මදුරු විශේෂය ලෙස හඳුනා ගෙන ඇතැයි ඔහු පවසයි.
![](https://ceylonnewsfactory.lk/wp-content/uploads/2023/10/Untitled-1-14-750x375-1.jpg)
මෙම මදුරුවා මිලි මීටර 2 -3 අතර ප්රමාණයෙන් යුක්ත වන අතර මෙම මදුරුවා සමඟ ලංකාවේ මදුරු විශේෂ 156 දක්වා ඉහළ යන බවද පැවසේ.
මෙම මදුරු විශේෂය වසර 108ට පෙර දකුණු කොරියාවෙන් වාර්තා වී ඇති අතර ඉන් අනතුරුව තායිලන්තයෙන් සොයා ගන්නා ලදි.
ඉන් පසුව වාර්තා වූයේ ශ්රී ලංකාවෙන් යැයි ද ගයාන් ශ්රී කුමාරසිංහ පැවසුවේය.
මෙම පර්යේෂණය සඳහා වෛද්ය පර්යේෂන ආයතනයේ අධ්යක්ෂ වෛද්ය දේදුනු ඩයස් සහ කීට විද්යා අංශයේ වැඩබලන අංශයේ ප්රධානී සූජාතා පතිරගේ ගේ උපදෙස් මත ප්රමිත රංගන, නලීන් ජයසිංහ, එරන්ද හේවාවිතාරණ, සජිත් තාරක, රුවන් සමීර, රොහාන් සමරසේකර සහ අපේක්ෂා වරුෂවිතාරන යන කීට විද්යා නිලධාරීන් එක්ව ඇත.
![](https://ceylonnewsfactory.lk/wp-content/uploads/2023/10/Untitled-2-6-1024x683.jpg)