රෝහලෙන් පිටවූ ඩයනා ගමගේ පොලිසි යයි !

සමගි ජන බලවේගයේ සුජිත් සංජය පෙරේරා හා රෝහණ බණ්ඩාර යන මන්ත්‍රීවරුන් තමාට පහර දුන් බව පවසමින් රාජ්‍ය අමාත්‍ය ඩයනා ගමගේ මහත්මිය වැලිකඩ පොලීසියට පැමිණිල්ලක් කර තිබේ.

මේ අතර අදාළ සිද්ධියෙන් පසු රාජ්‍ය අමාත්‍ය ඩයනා ගමගේ මහත්මිය ප්‍රථිකාර සඳහා ශ්‍රී ජයවර්ධනපුර රෝහලට ඇතුළත්ව තිබුණි.

එහි ප්‍රකාශකයෙකු සඳහන් කළේ, ඇය ප්‍රථිකාර ලබා රෝහලෙන් පිටව ගිය බවයි.

අදාළ මන්ත්‍රීවරුන් දෙදෙනා හා රාජ්‍ය අමාත්‍යවරිය අතර ඇති වූ මත ගැටුමක් පිළිබඳ දර්ශනපෙළක්, මේ වනවිට සමාජ මාධ්‍යයේ සැරිසරනු ඇත.

මෙම සිදුවීම සම්බන්ධයෙන් ලබන සඳුදා විමර්ශන ආරම්භ කරන බව මේ සම්බන්ධයෙන් සොයා බැලීමට පත් කළ කමිටුව පවසයි.

කතානායවරයා විසින් පත් කළ කමිටුවේ සභාපති ලෙස පත් කෙරුණේ, නියෝජ්‍ය කතානායක අජිත් රාජපක්ෂ මහතායි.

මේ පිළිබඳ විමර්ශනය කර ලබන 7 වැනි දා කතානායකවරයාට වාර්තාවක් ඉදිරිපත් කිරීමට අපේක්ෂා කරන බව අජිත් රාජපක්ෂ මහතා ප්‍රකාශ කළේ ය.