දෙස් විදෙස් සුපතල ප්‍රවීණ නර්තන ශිල්පිනියක් කලාශූරී රැජිණි සෙල්වනායගම් මහත්මිය අභාවප්‍රාප්ත වී තිබෙනවා.
රාජගිරිය කලපළුවාවේ පදිංචිව සිටි රැජිණි සෙල්වනායගම් මහත්මිය මිය යන විට මියයන විට 71 වැනි වියේ පසු වූවා.
රැජින සෙල්වනායගම් මහත්මිය කලා කීර්ති සහ විශ්ව කලා කීර්ති යන සම්මානයෙන්ද පිදුම් ලැබුවා.
බලංගොඩ ග්‍රාමයේ හැදී වැඩි කලා ලොවට අවතීර්ණ වූ ඇයට “සෙල්වනායගම්” යන නාමය ලැබුණේ ඇගේ පියාගෙන්.
ඇගේ මව හෙළ කුල කාන්තාවක් වූ බැවින් රැජිණි සෙල්වනායගම් නිබඳව සිංහල සංස්කෘතිය සහ කලා මාධ්‍යයන්ට පෙම් බඳිමින් ඒවා නිර්ලෝභීව අගය කළා.
නැටුම් ගුරුවරියක ලෙස ඇය මුලින්ම සේවයට එක් වූයේ හලාවත, මාදම්පේ සේනානායක ජාතික පාසලටයි.