කොළඹ, කාසල් වීදිය රෝහලේදී උපත ලද සය නිවුන් දරුවන්ගෙන් එක් දරුවෙකු අද (18) උදෑසන ජීවිතක්ෂයට පත්ව තිබේ.
අප කළ විමසීමකදී එම බිළිඳා ප්‍රතිකාර ලබමින් සිටි රිජ්වේ ආර්යා ළමා රෝහලේ අධ්‍යක්ෂ වෛද්‍ය ජී. විජේසූරිය මේ බව තහවුරු කළේ ය.
ඔහු සඳහන් කළේ, මිය ගිය දරුවාගේ බර ග්‍රෑම් 400ක් තරම් අඩු මට්ටමක පැවති බවත් දැඩිසත්කාර ඒකකයේ ප්‍රතිකාර ලබමින් සිටියදී එම දරුවා ජීවිතක්ෂයට පත්ව ඇති බව ත් ය.
සාමාන්‍යයෙන් දරුවෙකුගේ උපත් බර ග්‍රෑම් 2500ක් පමණ විය යුතු බව ද ඔහු පැවසීය.
කොළඹ, කාසල් වීදියේ කාන්තා රෝහලේ මෙම සය නිවුන් දරු උපත සිදුවූයේ, ඊයේ (ඔක්. 17) දිනයේදී ය.මෙම දරුවන්ගෙන් 5 දෙනෙකු කොළඹ, කාසල් වීදියේ කාන්තා රෝහලේ දැඩි සත්කාර ඒකකයේ ප්‍රතිකාර ලබමින් සිටි අතර එක් දරුවෙකු කොළඹ රිජ්වේ ආර්යා ළමා රෝහලේ දැඩි සත්කාර ඒකකයේ ප්‍රතිකාර ලබමින් සිටියේ ය.