පොලිස්පති සී.ඩී වික්‍රමරත්න මහතාට අද (13) සිට සති 3ක කාලයක් සඳහා සේවා දිගුවක් ලබාදී ඇතැයි පොලිස් මුලස්ථාන ආරංචි මාර්ග සඳහන් කරනවා.
ජනාධිපතිවරයාගේ නිර්දේශ මත ජනාධිපති ලේකම්වරයා විසින් මෙම සේවා දිගුව සඳහා අත්සන් තබා තිබෙන බව පොලිස් මූලස්ථානය ජ්‍යෙෂ්ඨ නිලධාරියෙක් වෙත පැවසුවා.
මීට පෙර මාස තුන බැගින් වූ සේවා දිගු දෙකක් ලබා සිටි සී. ඩී. වික්‍රමරත්න මහතා ඉකුත් 25 වැනිදා අවසන් සේවා දිගුව නිම වී විශ්‍රාම ගනු ලැබුවා.
මෙම සති තුනක කාලයෙන් අනතුරුව ජ්‍යෙෂ්ඨ නියෝජ්‍ය පොලිස්පති නිලන්ත ජයවර්ධන මහතා පොලිස්පති ධූරය සඳහා පත්කිරීමට නියමිත බවටද තොරතුරු වාර්තා වනවා.