World Cup 2023 – ඉන්දු – පාකිස්ථානු තරගයට ත්‍රස්තවාදී තර්ජනයක්, නරේන්ද්‍ර මෝදි ක්‍රීඩාංගණය පුපුරවා හරින බවට ඉන්දීය පොලීසියට විද්‍යුත් තැපෑල් පණිවිඩ !

ලෝක කුසලාන ක්‍රිකට් තරගාවලියේ අහමදාබාද්හි නරේන්ද්‍ර මෝදි ක්‍රීඩාංගණයේ මෙම මස 14 වැනිදා පැවැත්වෙන ඉන්දු-පාකිස්ථානු තරගයට ත්‍රස්තවාදී ප්‍රහාරයක් එල්ලවීමේ තර්ජනයක් මේ වනවිටත් ඉන්දීය පොලීසිය වෙත වාර්තා වනවා.

මේ හේතුව නිසාම අදාළ තරගයට වැඩි ආරක්ෂාවක් මෙන්ම විශේෂ ආරක්ෂක වැඩපිළිවෙලක්ද ක්‍රියාත්මක කිරීමට නියමිතය.

මෙම ත්‍රස්තවාදී තර්ජනය ඉන්දීය පොලීසියට විද්‍යුත් තැපෑලක් හරහා ලැබී ඇති අතර, සිරගතව සිටින රවී ලෝරන්ස් බිෂ්නෝයි නිදහස් කරන ලෙස ත්‍රස්තවාදීන් ඉල්ලා සිටිනවා.

‘ආණ්ඩුව අපට රුපියල් කෝටි 500ක් ගෙවා ලෝරන්ස් බිෂ්නෝයි නිදහස් කිරීමට අපොහොසත් වුවහොත් අපි නරේන්ද්‍ර මෝඩි ක්‍රීඩාංගණය පුපුරුවා හරිනවා’ එම ඊමේල් පණිවුඩයේ සඳහන් වනවා. ‘හැමදේම හින්දුස්ථානයේ විකුණනවා, ඒ නිසා අපිත් යමක් මිලදීගෙන තිබෙනවා. ඔබ කෙතරම් ආරක්‍ෂා කළත් ඔබට අපෙන් ආරක්‍ෂා වී සිටීමට නොහැකි වනවා ඇත. මේ සම්බන්ධයෙන් ඔබට සාකච්ඡා කිරීමට අවශ්‍ය නම්, එය මෙම විද්‍යුත් තැපෑල හරහා සිදු කරන්න’ යනුවෙන් එහි සඳහන් වනවා.

මෙම විද්‍යුත් තැපෑල සම්බන්ධයෙන් විමර්ෂණ ආරම්භ කළ ඉන්දීය පොලීසිය එය ස්විස්ටර්ලන්තයේ ලියාපදිංචි විද්‍යුත් තැපෑලක් බව හඳුනාගෙන තිබෙනවා.

එනිසාම ඉන්දීය ක්‍රිකට් බලධාරීන් සහ ජාත්‍යන්තර ක්‍රිකට් කවුන්සිල නිලධාරීන් මෙම තර්ජනය බැරෑරුම් ලෙස සලකන බව වාර්තා වනවා.

ඉන්දියානු පොලිසිය විසින් අදාළ ක්‍රීඩාංගනයේ ආරක්ෂාව සඳහා මේ වනවිට නිළධාරින් 3500ක් අනුයුක්ත කොට ඇති බවට වාර්තා වනවා.