මහියංගනය රජ මහා විහාරයේ පෙරහරට ගෙනවිත් මහියංගන සමන් දේවාලය අභියස ගඟ අද්දර රඳවා සිටි මහරගම සීතා ඇතින්නියට වෙඩි තැබූ පුද්ගලයන් සම්බන්ධයෙන් පරීක්ෂණයක් පවත්වා වැරදි කරුවන් වෙත දඬුවම් ලබා දෙන ලෙස හීලෑ අලි ඇතුන් හිමිකරුවන්ගේ සංගමය පොලිස්පතිවරයාගෙන් ඉල්ලීමක් කර තිබේ.
එම සංගමයේ ලේකම් දම්සිරි බණ්ඩාර පවසන්නේ මෙම වෙඩි තැබීම සිදුකර ඇත්තේ රබර් උණ්ඩවලින් නොව ජීව උණ්ඩ භාවිතා කරමින් යැයි පශු වෛද්ය නිරීක්ෂණයන්ගෙන් පැහැදිලි වූ බවය.
ලේකම්වරයා කියන්නේ සීතා ඇතින්නියට වෙඩි තැබූ වනජීවී ආරක්ෂක සේවයේ සිටි සිවිල් ආරක්ෂකයා බීමතින් සිටි බවට තොරතුරු අනාවරණය වුවද ඒ බව තහවුරු කරගැනීමට පොලිසිය කිසිම පියවරක් ගෙන නොමැති බවය.
මේ අවිචාරවත් හැසිරීම ගැන චෝදනා කරන හීලෑ අලි ඇතුන් හිමිකරුවන්ගේ සංගමය පවසන්නේ මහිංයගනය පෙරහරට රැගෙන එන අලි ඇතුන් රඳවා තබන්නේ මහියංගන සමන් දේවාලය අභියස ගඟ අද්දර බව නොදන්නා දරුවෙක්වත් ප්රදේශයේ නොමැති බවය.
මේ අතර සීතා ඇතින්නගේ හෘදය වස්තුව ආසන්නයේ සිරුර තුළට උණ්ඩ හතක් වැදී ඇති බව ඇතාට පේරාදෙණිය විශ්ව විද්යාලයේ පශු වෛද්ය පීඨයේ ජ්යෙෂ්ඨ මහාචාර්ය විශේෂඥ වෛද්ය අශෝක දංගොල්ල මහතා වැඩිදුරටත් ප්රකාශ කළා.
වෙඩි කෑ සීතා ඇතින්නිය ගැන පරීක්ෂාවට පේරාදෙණිය විශ්වවිද්යාලයේ පශු වෛද්ය පීඨයේ මහාචාර්ය අශෝක දංගොල්ල සමග හීලෑ අලි ඇතුන් හිමියන්ගේ සංගමයේ සභාපති, දියවඩන නිලමේ නිලංග දෑල, සහ සංගමයේ ලේකම්වරයා ලෙස තමන් මහිංගනය ගිය බව දම්සිරි කරුණාරත්න පැවසුවේය.
මෙවැනි අනාරක්ෂිත තත්ත්වයක් තුළ හීලෑ අලි ඇතුන් දුර පළාත්වල පෙරහරට සම්බන්ධ කීරීම පිළිබඳව නැවත සිතා බැලිය යුතු තත්ත්වයක් ඇතැයි එම සංගමයේ ලේකම්වරයා පැවසුවේය.
යාපනයේ පෙරියවිලාන් ප්රදේශයේ 13 හැවිරිදි පාසල් සිසුවෙකු සිය නිවසේදී ගෙල වැළලාගෙන මියගොස් තිබෙනවා. මේ දරුවා…
ඊයේ (16) පැවති පහ ශ්රේණිය ශිෂ්යත්ව විභාගයේ ප්රශ්න පත්රය වට්ස්ඇප් මාධ්ය ඔස්සේ හුවමාරු වී ඇති…
2024 ජනාධිපතිවරණය විශේෂ රාජකාරී සහ ආරක්ෂාව වෙනුවෙන් පොලිස් නිලධාරීන් 60,000ක් යෙදවීමට තීරණය කර ඇති බව…
හැටන්, නුවරඑළිය මාර්ගයේ නානුඔය වින්ඩිකොනර් ප්රදේශයේදී සිදු වූ රිය අනතුරකින් පුද්ගලයෙකු තුවාල ලබා මේ වනවිට…
කඩවත නගරයේ හෝටලයක ෆේස්බුක් සාදයකට එක්ව මත්ද්රව්ය භාවිත කරමින් සිටි තරුණයින් 14දෙනෙකු අත්අඩංගුවට ගෙන තිබෙනවා.…
වලංගු රියැදුරු බලපත්රයක් නොමැතිව කාර් රථයක් පැදවීමේ සිද්ධියක් සම්බන්ධයෙන් මීරිගම ප්රදේශයේ විහාරස්ථානයක වැඩවාසය කරනු ලබන…