ආසියානු කුසලාන ක්රිකට් තරගාවලියේ (Asia Cup 2023) ඉන්දියාව සහ පාකිස්ථානය අතර පැවති තරගය ලකුණු 228 කින් ජය ගැනීමට ඉන්දීය කණ්ඩායම සමත් වුණා.
කොළඹ ආර්. ප්රේමදාස ක්රීඩාංගනයේදී ඊයේ ආරම්භ වූ තරගයට වර්ෂාවෙන් බාධා එල්ල වීම නිසා අතිරේක දිනය වූ අද දිනයේදීත් තරගය පැවැත්වුණා.
තරගයේ කාසියේ වාසිය දිනාගත් පාකිස්ථානය කණ්ඩායමේ ආරාධනයෙන් පන්දුවට පහරදීමට පැමිණි ඉන්දීය කණ්ඩායම සිය පන්දුවාර පනහ අවසානයේදී කඩුළු 02 ක් පමණක් දැවී ලබාගත් ලකුණු සංඛ්යාව 356 ක්.
ඉන්දීය කණ්ඩායම වෙනුවෙන් විරාට් කෝලි පන්දු 94 කින් ලකුණු 122 ක්ද, කේ.එල් රාහුල් පන්දු 106 කින් ලකුණු 111ක්ද නොදැවී රැස්කර ගත්තා. කෝලිගේ ඉනිම හතරේ පහර 09 කින් සහ හයේ පහර 03 කින් වර්ණවත් වූ අතර රාහුල්ගේ ඉනිමට හතරේ පහර 12ක් සහ හයේ පහර 02 ක් ඇතුළත් වුණා.
ඔවුන් දෙදෙනා තෙවැනි කඩුල්ලට පන්දු 194 කින් ලකුණු 233 ක් වාර්තා කළා. අනතුරුව පිළිතුරු ඉනිම ආරම්භ කළ පාකිස්ථාන කණ්ඩායමේ කිසිදු පිතිකරුවෙකුට සාර්ථක වීමට ඉන්දීය පන්දු යවන්නන් ඉඩ ලබාදුන්නේ නැහැ.
ෆකර් සමාන් ලකුණු 27 ක් ලබාගත් අතර, අගා සල්මාන් සහ ඉෆ්තිකාර් අහමඩ් ලකුණු 23 බැගින් ලබා ගත්තා.
පන්දු යැවීමේදී කුල්දීප් යාදව් පාකිස්ථාන ඉනිමේ කඩුළු 05 ක් බිඳ හෙළුවේ ලකුණු 25 ක් පමණක් ලබා දෙමින්.
ආබාධවලට ලක්වීම හේතුවෙන් නසීම් ෂා සහ හැරිස් රවුෆ් පන්දුවට පහරදීමට පැමිණියේ නැහැ. ඒ අනුව පන්දුවාර 32 ක් අවසානයේදී පාකිස්ථාන කණ්ඩායම ලකුණු 128 ක් ලබා ගත්තා.
තරගයේ වීරයා බවට පත්වුයේ වේගවත් ශතකයක් ලබාගත් විරාට් කෝලි
පොළොන්නරුව මඩකලපුව ප්රධාන මාර්ගයේ කදුරුවෙල නගරයේ ඊයේ රාත්රී 8ට පමණ වෙළඳසැක් දෙකක හදිස්සි ගිනිගැනීමක් සිදු…
පසුගිය මැතිවරණ කටයුතුවලින් වෙහෙසට පත්වීම හේතුවෙන් ජාතික ජන බලවේගයේ නායක සහ ජනාධිපති අපේක්ෂක අනුර කුමාර…
2024 සැප්තැම්බර් මස 08 වන ඉරිදා දින කාලගුණ වාර්තාව මෙලෙස සයහන්ව තිබුණා. බස්නාහිර, සබරගමුව සහ…
ගලෙන්බිදුණුවැව - අක්කර විස්ස ප්රදේශයේ නිවසක අල්මාරියක මුදල් දමන ප්ලාස්ටික් කැටයක සඟවා තිබු පතොරම් තොගයක්…
පාදුක්ක, මාහිංගල ප්රදේශයේ නිවසක නවතා තිබූ කැබ් රථයක් සහ ත්රිරෝද රථයක් හදිසියේ ම ගිනි ගෙන…
ඉන්දීය රුපියල් කෝටි 92ක බදු මුදලක් ගෙවමින් 2024 මූල්ය වර්ෂය සඳහා වැඩිම ආදායම් බදු ගෙවූ…