ඉන්දියාවේ නම භාරත් ලෙස වෙනස් කරමින් පාර්ලිමේන්තුවට යෝජනාවක් ඉදිරිපත් කිරීමට නරේන්ද්‍ර මෝදි රජය සූදානම් වන බව එරට මාධ්‍ය වාර්තා කළා.
ලබන 18 වනදා සිට 22 දක්වා ඉන්දීය පාර්ලිමේන්තුවේ විශේෂ සැසිවාරයක් කැඳවා ඇති අතර, එහිදී මෙම යෝජනාව ගෙන ඒමට බොහෝදුරට ඉඩ ඇති බවටයි එහි දැක්වුණේ.
මේ සම්බන්ධයෙන් වැඩි අවධානයක් යොමුවී ඇත්තේ ජී විස්ස සමුළුවේ රාජ්‍ය නායකයින්ට භෝජන සංග්‍රහයකට ඇරයුම් කරමින් ඉන්දීය ජනාධිපතිනි ද්‍රෞපදි මුර්මු විසින් යවන ලද ආරාධනා පත්‍රයක් හේතුවෙන්.
9 වනදා රාෂ්ට්‍රපති භවන් හි පැවැත්වෙන රාත්‍රී භෝජන සංග්‍රහයට පැමිණෙන ලෙස එමඟින් දන්වා ඇති අතර එහි ඉන්දීය ජනපති වෙනුවට සටහන් කර ඇත්තේ භාරතයේ ජනපති යනුවෙන් බවට කොංග්‍රස් නායකයෙකු අනාවරණ කර තිබුණා.