පිළිකා රෝගීන් 950 – 1200 අතර සංඛ්‍යාවක් මාසිකව අලුතින් හදුනා ගන්නා බව මහරගම අපේක්ෂා රෝහලේ අධ්‍යක්ෂ වෛද්‍ය අරුණ ජයසේකර සඳහන් කරයි.
පිළිකා රෝගීන් අලුතින් වාර්තා වීම වැඩිවිමක් ලංකාවේ මෙන්ම ලොව පුරා දක්නට ලැබෙන්නක් බවත් මේ සඳහා ආහාරපාන, පාරිසරික සාධක, මත්වතුර පානය, දුම්පානය, මානසික ආතතිය වැනි කාරණා රාශියක් හේතු වී ඇති බවත් අධ්‍යක්ෂවරයා පෙන්වා දේ.
ළමා පිළිකා රෝගින්ගෙන් සියයට 75 – 80 අතර සංඛ්‍යාවක් සම්පූර්ණයෙන්ම සුවපත් කළ හැකි අතරම පිළිකාව මුලින්ම හඳුනාගත් සැනින් ප්‍රතිකාර ආරම්භ කළ හොත් නිට්ටාවට සුව කරගත හැකි රෝගයක් බවද හෙතෙම පවසා සිටියි.
කෙසේ නමුත් පිළිකා රෝගීන්ට අවශ්‍ය ඖෂධ බොහෝමයක් පරිත්‍යාගශීලීන් ලබාදෙන බැවින් තවදුරටත් ඔවුන්ගේ සේවය අත්‍යවශ්‍ය යැයිද වෛද්‍ය ජයසේකර අවධාරණය කරයි.
මේ අනුව පිළිකා රෝගියෙකුට ඖෂධ ප්‍රතිකාරයක් කිරීමට යම් අයෙකුට අවශ්‍ය වන්නේ නම් 0777468503 යන දුරකථන අංකයට අමතා වැඩිදුර විස්තර ලබා ගන්නැයි ද අධ්‍යක්ෂවරයා පරිත්‍යාගශීලීන්ගෙන් වැඩිදුරටත් ඉල්ලීමක් කරයි.