පසුගිය බදාදා රුසියාවේ සිදුවූ ගුවන් අනතුරකින් මියගිය පුද්ගලයන් 10 දෙනා අතර වැග්නර් කුලී හේවා කණ්ඩායමේ ප්‍රධානී යෙව්ගනි ප්‍රිගොෂින් ද සිටින බව ජාන පරීක්ෂණවලින් තහවුරු වූ බව රුසියානු විමර්ශකයෝ අද (27) ප්‍රකාශ කළහ.
මොස්කව්හි වයඹ දෙසින් පිහිටි ට්වර් ප්‍රදේශයේ දී කඩා වැටුණු පෞද්ගලික ජෙට් යානයේ වැග්නර් ප්‍රධානී යෙව්ගනි ප්‍රිගොෂින් ද වැග්නර් කණ්ඩායම නිර්මාණය කිරීමට ප්‍රිගොෂින්ට සහය ලබා දුන් ඔහුගේ දකුණු අත වැනි දිමිත්‍රි උට්කින් ද, ඇතුළු අනතුරින් මිය ගිය 10 දෙනාගේ නම් රුසියානු ගුවන් සේවා ඒජන්සිය මීට පෙර ප්‍රකාශයට පත් කළ ද ප්‍රිගොෂින් එම ගුවන් යානයේ ගමන් නොගත් බවට මතයක් ද ගොඩ නැගී තිබිණි.
“ට්වර් කලාපයේ ගුවන් අනතුර පිළිබඳ විමර්ශනයේ කොටසක් ලෙස, අණුක-ජාන පරීක්ෂණ අවසන් කර ඇත,” රුසියාවේ විමර්ශන කමිටුව සිය වෙබ් අඩවියේ ප්‍රකාශයක් උපුටා දක්වමින් ටෙලිග්‍රෑම් පණිවිඩයක් නිකුත් කර කියා සිටියේය.
”මියගිය 10 දෙනාගේ අනන්‍යතාව තහවුරු කර ඇත. එම අනන්‍යතා තහවුරුව අනතුරට පත් ගුවන් යානයේ ගුවන් මගී ලයිස්තුවට අනුරූප වේ,” එය පවසයි.
ප්‍රිගොෂින් රුසියාවේ හමුදා ප්‍රධානීන්ට එරෙහිව අසාර්ථක කැරැල්ලක් මෙහෙයවීමෙන් මාස දෙකකට පසු මෙම පුද්ගලික ජෙට් යානය කඩා වැටුණි.
ජනාධිපති ව්ලැඩිමීර් පුටින් එම කැරැල්ල “පිටුපස සිට පිහියෙන් ඇනීමක් බඳු ද්‍රෝහී ක්‍රියාවක් ” ලෙස විස්තර කළ නමුත් පසුව ක්‍රෙම්ලිනයේ දී ප්‍රිගොෂින් හමුවිය.
කෙසේ වෙතත් පූටින් මෙම ගුවන් අනතුරින් මිය ගිය බවට ගුවන්සේවා ඒජන්සිය විසින් ප්‍රකාශයට පත් කළ ප්‍රිගොෂින් ඇතුළු දස දෙනාගේ පවුල්වලට බ්‍රහස්පතින්දා සිය ශෝකය ප්‍රකාශ කළේය.
යාපනයේ පෙරියවිලාන් ප්‍රදේශයේ 13 හැවිරිදි පාසල් සිසුවෙකු සිය නිවසේදී ගෙල වැළලාගෙන මියගොස් තිබෙනවා. මේ දරුවා…
ඊයේ (16) පැවති පහ ශ්‍රේණිය ශිෂ්‍යත්ව විභාගයේ ප්‍රශ්න පත්‍රය වට්ස්ඇප් මාධ්‍ය ඔස්සේ හුවමාරු වී ඇති…
2024 ජනාධිපතිවරණය විශේෂ රාජකාරී සහ ආරක්ෂාව වෙනුවෙන් පොලිස් නිලධාරීන් 60,000ක් යෙදවීමට තීරණය කර ඇති බව…
හැටන්, නුවරඑළිය මාර්ගයේ නානුඔය වින්ඩිකොනර් ප්‍රදේශයේදී සිදු වූ රිය අනතුරකින් පුද්ගලයෙකු තුවාල ලබා මේ වනවිට…
කඩවත නගරයේ හෝටලයක ෆේස්බුක් සාදයකට එක්ව මත්ද්‍රව්‍ය භාවිත කරමින් සිටි තරුණයින් 14දෙනෙකු අත්අඩංගුවට ගෙන තිබෙනවා.…
වලංගු රියැදුරු බලපත්‍රයක් නොමැතිව කාර් රථයක් පැදවීමේ සිද්ධියක් සම්බන්ධයෙන් මීරිගම ප්‍රදේශයේ විහාරස්ථානයක වැඩවාසය කරනු ලබන…