ශ්‍රී ලංකා රජරට විශ්වවිද්‍යාලයේ මිහින්තලේ පරිශ්‍ර භූමියේ පිහිටි පිහිණුම් තටාකයේ දිය නෑමට ගිය එම විශ්වවිද්‍යාලයේ කළමනාකරණ පීඨයේ පළමු වසරේ සිසුවෙකු දියේ ගිලී මරුමුවට පත්ව ඇත.
ඊයේ (27) සවස 5.00 ට පමණ එම පීඨයේම අධ්‍යාපනය ලබන තවත් සිසුන් පස් දෙනෙක් සමග ඔහු දිය නෑමට ගොස් ඇත.
එම අවස්ථාවේ එම සිසුවා පිහිණුම් තටාකයේ ගැඹුරුම ස්ථානයෙන් දියට බැසීමට උත්සාහ කළ අවස්ථාවේ මෙසේ දියේ ගිලී ඇති බව මිහින්තලේ පොලීසිය සිදු කළ විමර්ශන වලදී අනාවරණය වී ඇත.
මඩකලපුව කොකුවිල් ප්‍රදේශයේ පදිංචිව සිටි විසි එක් හැවිරිදි මුරුගදාස් තිලක්ෂණ නැමැති සිසුවා මෙසේ මියගොස් ඇත.
ඔහුගේ මෘත දේහය මිහින්තලේ ප්‍රාදේශීය රෝහලට රැගෙන යාමෙන් පසු පශ්චාත් මරණ පරීක්ෂණය සඳහා අනුරාධපුර ශික්ෂණ රෝහලේ අධිකරණ වෛද්‍ය ඒකකය වෙත යොමු කොට ඇත.
දේහය පිළිබඳව පශ්චාත් මරණ පරීක්ෂණය අද (28) සිදු කිරීමට නියමිතව තිබේ.
සිද්ධිය සම්බන්ධයෙන් මිහින්තලේ පොලිස් ස්ථානාධිපති ප්‍රධාන පොලිස් පරීක්ෂක එච්.චන්ද්‍රසිරි රංජිත්ගේ මෙහෙයවීමෙන් වැඩිදුර විමර්ශන පවත්වයි.
විවෘත රාජ්‍ය හවුල්කාරිත්වය (OGP) සඳහා ශ්‍රී ලංකාවේ කැපවීම නැවත සාකච්ඡා කිරීමට සහ OGP වැඩසටහන නැවත…
උසස් පෙළ විභාගය පැවැත්වෙන කාල සීමාව තුළ ආපදා තත්ත්වයන් හේතුවෙන් ඇතිවිය හැකි බාධා මගහරවා ගනිමින්…
අධිකරණ නියෝගයකට අනුව වේයන්ගොඩ, වඳුරව ප්‍රදේශයේ වගුරු සහිත භූමියක ඇති බව කියන නිධානය සොයා පුරා…
ශ්‍රී ලංකාවට ලබා දී ඇති විස්තීරණ ණය අරමුදල් පහසුකම (EFF) යටතේ තුන්වන සමාලෝචනය අවසන් කිරීම…
මේ දිනවල ජනතාව අතර වෛරස් උණ රෝගයක් ව්‍යාප්ත වෙමින් ඇති බව සෞඛ්‍ය අංශ අනාවරණය කරනවා.…
විදෙස්ගත ශ්‍රමිකයින්ට මෙරටට විද්‍යුත් වාහන ගෙන්වීමට ලබා දී තිබූ බලපත්‍ර 1000කට අධික සංඛ්‍යාවක් අවභාවිත කර…