මින්නේරිය පොලිස් වසමේ රොටවැව, ගල්ලඔය ප්‍රදේශයේ දී පුද්ගලයකු වෙඩිතබා ඝාතනය කර තිබේ.
පෞද්ගලික ආරවුලක් හේතුවෙන් මාමා විසින් බෑනාට මෙම වෙඩිතැබීම සිදුකර ඇති බවට විමර්ශනවල දී අනාවරණය වී ඇත.
ඊයේ (27) රාත්‍රී කාලයේ දී වෙඩිතැබීම සිදුකර ඇති අතර, වෙඩිතැබීමෙන් තුවාල ලැබූ පුද්ගලයා මින්නේරිය රෝහල වෙත ඇතුළත් කිරීමට කටයුතු කර තිබිණි.
කෙසේ වෙතත් රෝහලට ඇතුළත් කරනවිට ඔහු මියගොස් සිට ඇති බව පොලීසිය පවසයි.
මියගොස් ඇත්තේ, 27 හැවිරිදි රොටවැව, ගල්ඔය ප්‍රදේශයේ පදිංචිකරුවෙකි.
වෙඩිතැබීම සඳහා යොදාගත් බවට සැකකෙරෙන බෙහෙත් කොටන තුවක්කුව ද සමඟ සැකකරු පොලීසිය විසින් අත්අඩංගුවට ගෙන තිබේ.
සැකකරු අද (27) හිඟුරක්ගොඩ මහෙස්ත්‍රාත් අධිකරණය වෙත ඉදිරිපත් කිරීමට නියමිතයි.