හෝමාගම මූලික රෝහලේ මෝචරියේ සේවය කරමින් සිටි සේවකයෙකු ජීවිතක්ෂයට පත්ව තිබෙනවා.
මෙම සේවකයා වසර 26 ක කාලයක් මෙහි සේවය කර ඇත්තේ තාක්ෂණික සහායකයෙකු ලෙසයි.
මෙම සේවකයා මියගොස් ඇත්තේ මෘතදේහවලින් බැහැර වූ විෂබීජයක් ශරීරගත වීමෙන් බවට හෙළිව ඇති බවයි.
මෙලෙස මියගිය සෞඛ්‍ය සේවකයාගේ මෘතදේහය ඊයේ දහවල් හෝමාගම මූලික රෝහලට ගෙනැවිත්, ඔහු සේවය කළ අධිකරණ වෛද්‍ය නිලධාරී කාර්‍යාලයේ තැන්පත් කර, සමස්ත රෝහල් කාර්‍ය මණ්ඩලය ම අවසන් ගෞරව දක්වා ඊට ආචාර කර ඇති බවත් වාර්තා වනවා.
රෝහලේ ප්‍රධාන වෛද්‍ය අධිකාරී විශේෂඥ වෛද්‍ය ජයරුවන් බණ්ඩාර මහතාගේ උපදෙස් මත‍යි මෙම වැඩසටහන සංවිධානය කර තිබුණේ.
මෙසේ මියගොස් ඇත්තේ මීගොඩ ප්‍රදේශයේ පදිංචි ජයලාල් ලියනආරච්චි නමැති (55) හැවිරිදි පුද්ගලයෙක්.