පේරාදෙණිය ශාස්ත්‍ර පීඨ පීඨාධිපතිගේ “ශාස්ත්‍රීය භාෂාවෙන්” මහා ශිෂ්‍ය සංගමයේ සභාපති අමතයි (හඬ පට සහිතයි)

පේරාදෙණිය විශ්වවවිද්‍යාලයේ මහා ශිෂ්‍ය සංගමයේ සභාපති ලහිරු ප්‍රනාන්දුට නින්දා සහගත ලෙස බැණ වැදී ඔහුගේ අවයව තලන බවට පේරාදෙණිය විශ්වවිද්‍යාලයේ ශාස්ත්‍ර පීඨයේ පීඨාධිපති ආචාර්ය ප්‍රභාත් ඒකනායක කරන තර්ජනයක් සහිත හඬ පටයක් වෙබ් අඩවි ඔස්සේ හුවමාරු වෙමින් තිබේ.

විශ්විද්‍යාල ආචාර්යවරයෙකුට කිසිසේත් නුසුදුසු වහරකින් මැරයෙක් සේ බැණ වදින ප්‍රභාත් ඒකනායක බැණ වදින්නේ “ තෝ එළියෙදි හම්බවෙයන්… ඇට දෙක තලාගන්න ද දඟලන්නේ… තෝ කිව්වෙ ගෝඨා පන්නපු විදිහට මාත් පන්නවා කියලා. පුලුවන්නම් පන්නල පෙන්නපන් බල්ලා” ලෙසය.

ශිෂ්‍ය ගැටලු කිහිපයක් සම්බන්ධයෙන් කතා කිරීමට ශාස්ත්‍ර පීඨ සභාපතිවරයාට දුරකතනයෙන් කතා කළ අවස්ථාවේ නින්දා සහගත පහත් ආකාරයෙන් බැණ වැදුණු පීඨාධිපතිවරයා තමන්ට කළ තර්ජනය සම්බන්ධව පේරාදෙණිය පොලිසියේ පැමිණිල්ලක් කළ බව ද මහා ශිෂ්‍ය සංගමයේ සභාපතිවරයා කීවේය.

මේ සම්බන්ධයෙන් විශ්වවිද්‍යාල මට්ටමින් ද පරීක්ෂණයක් සිදුකළ යුතු බව දන්වමින් සිසුන් පිරිසක් අද (16) සානාථන මන්දිරය ඉදිරිපිට විරෝධතාවක නිරත වූහ.

බැණ තර්ජනය කිරීම පිළිබඳ මහා ශිෂ්‍ය සංගමයේ සභාපති ලහිරු ප්‍රනාන්දු පේරාදෙණිය පොලිසියට පැමිණිල්ලක් කර ඇති නමුත් විශ්වවිද්‍යාල මට්ටමින් කිසිදු පරීක්ෂණයක් මෙතෙක් ආරම්භ කර නොමැති බව පේරාදෙණිය විශ්වවිද්‍යාලයේ නියෝජ්‍ය උපකුලපති ටෙරන්ස් මධුජිත් පවසයි.