ධනංජය ද සිල්වාගේ විශිෂ්ඨ පන්දු යැවීම හමුවේ ලංකා ප්රිමියර් ලීග් ක්රිකට් තරගාවලියේ 19 වැනි තරගයෙන් (B-Love Kandy) බී-ලව් කැන්ඩි කණ්ඩායම පරදා ලකුණු 20 ක ජයක් වාර්තා කරමින් තරගාවලියේ මූලික වටයේ ප්රසාද ලකුණු සටහනේ පළමු ස්ථානය තහවුරු කර ගැනීමට (Dambulla Aura) දඹුල්ල අවුරා කණ්ඩායම අද(14) සමත් වුණා.
Dambulla Aura කණ්ඩායම අද තරගය සඳහා කණ්ඩායම් නායක කුසල් මෙන්ඩිස්ව විවේක ගන්වා තිබු අතර, ඔහු වෙනුවට නායකත්වයේ වගකීම පැවරුනේ ධනංජය සිල්වා හටයි. එමෙන්ම අද තරගය සඳහා Dambulla Aura කණ්ඩායමේ වෙනස්කම් පහක් සහිතව ඔවුන් පිටියට පිවිසියා. ඔවුන්ගේ සංචිතයේ නවක ක්රීඩකයින් වන ලක්ෂාන් එදිරිසිංහ සහ සචිත ජයතිලක අද තරගය සඳහා ඔවුන් නම් කොට තිබුණා.
කොළඹ ආර්. ප්රේමදාස ක්රීඩාංගනයේ පැවැති තරගය ජය ගැනීම සදහා ලකුණු 163 ක ඉලක්කයක් හඹා ගිය B-Love Kandy කණ්ඩායමට පන්දුවාර 19.4 ක් අවසානයේ සියලු දෙනා දැවී ලබා ගත හැකි වූයේ ලකුණු 142 ක් පමණයි.
ෆකාර් සමාන් ලකුණු 8කටත්, මොහමඩ් හැරිස් ලකුණු 2කටත් දැවී ගියා. වනිදු හසරංග පන්දු 11ක් තුල ලකුණු 19යි. ඇන්ජෙලෝ මැතිව්ස් පන්දු 15කින් ලකුණු 26ක් රැස් කළා. ඉසුරු උදාන ලකුණු 23යි.
ඉනිමේ වැඩිම ලකුණුලාභියා වූ දිනේෂ් චන්දිමාල් පන්දු 46 කින් ලකුණු 50 ක් ලබා ගැනීමට සමත් වුණා. හතරේ පහර 6 ක් ඔහුගේ ඉනිමට ඇතුළත්. පන්දු යැවීමේ දී ධනංජය ද සිල්වා පන්දුවාර 2ක් තුළ කඩුලු 4 ක් දවා ගත්තේ ලකුණු 6 ක් ලබා දෙමින්.
පළමුව පන්දුවට පහරදුන් දඹුල්ල ඉනිම වෙනුවෙන් අවිශ්ක ප්රනාන්දු පන්දු 27ක් තුල ලකුණු 41ක්, බෙන් මැක්ඩමට් පන්දු 23කින් ලකුණු 37 ක් හා සධීර සමරවික්රම පන්දු 26ක් තුල ලකුණු 31ක් රැස් කළා. හෙයිඩන් කර් පන්දු 16කින් වේගවත් ලකුණු 26ක් රැස්කළා.
පන්දු යැවීමේ දී නුවන් ප්රදීප් ලකුණු 35 කට කඩුලු 3 ක් දවා ගත් අතර, මුජීබ් උර් රහමාන් ලකුණු 32 කට කඩුලු 2 ක් බිද හෙලුවා.
තරගයේ වීරයා බවට පත්වුයේ සිය හොඳම T20 පන්දු යැවීම වාර්තා කරමින්, උඩ පන්දු දෙකක් රැකගත් නායක ධනංජය ද සිල්වා.
බස්නාහිර, සබරගමුව සහ දකුණු පළාත්වලත් මහනුවර සහ නුවරඑළිය දිස්ත්රික්කවලත් වැසි වාර කිහිපයක් ඇතිවේ. නැගෙනහිර සහ…
ජනාධිපතිවරණයට අදාළව අපේක්ෂකයන් වෙනුවෙන් අද පැවැත්වෙන අවසන් ප්රචාරක රැළි හෙට පුවත්පත් වල පළකළ හැකි නමුත්…
ශ්රී ලංකාවට දකුණු දෙසින් වූ ගැඹුරු මුහුදේදී මාළුවකු සපාකෑමෙන් අසාධ්ය තත්ත්වයෙන් පසුවූ ධීවරයෙකු ප්රතිකාර සඳහා…
ඉදිරි දින කිහිපයේ රටේ පවතින කාලගුණ තත්ත්වය පිළිබඳ පූර්ණ වාර්තාවක් කාලගුණ විද්යා දෙපාර්තමේන්තුවෙන් ලබාගෙන ඇතැයි…
මැතිවරණය පැවැත්වෙන 21 වනදා සාමාන්ය පරිදි සෙනසුරාදා දිනයට අදාළ දුම්රිය කාලසටහන ක්රියාත්මක කෙරෙන බව දුම්රිය…
2025 නව පාසල් වාරය වෙනුවෙන් පාසල් ළමුන් ලක්ෂ 43කට අවශ්ය නිල ඇඳුම් සහ පිරිවෙන් 825…