බස්නාහිර පළාත භාර ජ්‍යෙෂ්ඨ නියෝජ්‍ය පොලිස්පති දේශබන්දු තෙන්නකෝන්ගේ නිල Facebook පිටුවට හැකර් ප්‍රහාරයක් එල්ල වී තිබෙනවා.
ඒ අනුව, අදාළ ෆේස්බුක් පිටුවේ මේ වන විට අන්තර්ජාල ක්‍රීඩාවක් ක්‍රියාත්මක වෙමින් පවතින අතර, මේ සම්බන්ධයෙන් නිවේදනයක් නිකුත් කරමින් දේශබන්දු තෙන්නකෝන් පවසන්නේ තමන්ගේ Facebook පිටුවට කිසියම් අයෙක් අනවසරයෙන් ඇතුළු වී ඇති බවයි.
එබැවින් මෙම Facebook පිටුව හරහා සිදුකරනු ලබන කිසිදු තොරතුරක් තමන් විසින් පලකරනු ලබන්නක් නොවන බවත් ඊට ප්‍රතිචාර නොදක්වන ලෙසත් නියෝජ්‍ය පොලිස්පතිවරයා ඉල්ලා තිබෙනවා.
ගිණුම නැවත යථා තත්ත්වයට පත්කරගැනීමටත් මෙම ක්‍රියාවට අදාළව නිත්‍යානුකූල පියවර ගැනීමටත් තමන් කටයුතු කරන බවද ඔහු වැඩිදුරටත් සදහන් කරනවා.
