කළුතර පාසලක බිත්ති අතර සිර වූ දැරිය බේරාගැනීමේ මෙහෙයුම (VIDEO)

කළුතර, කටුකුරුන්ද රෝමානු කතෝලික මහ විද්‍යාලයේ බිත්ති 2 ක් අතර සිරවී සිටි හත් හැවිරිදි සිසුවිය මෙහෙයුමකින් පසු මුදාගෙන තිබෙනවා.

ඒ සඳහා කළුතර මහ නගර සභාවේ ගිනි නිවීමේ ඒකකය එක් වී ඇති අතර ඔවුන් හයිඩ්‍රොලික් වායුව මගින් බිත්ති 2 ට තෙරපුමක් යොදා දැරිය බේරාගෙන ඇති බවයි වාර්තා වන්නේ.

2 වන ශ්‍රේණියේ ඉගෙනුම ලබන මෙම දැරිය සෙල්ලම් කරමින් සිටි අවස්ථාවේදී බිත්ති අතරට රිංගා තිබෙනවා.

එහිදී දැරියට පිටතට ඒමට නොහැකි වී ඇති අතර පසුව ඇගේ යෙහෙළියන් ගුරුවරුන් දැනුවත් කර තිබෙනවා.

පසුව ගුරුවරුන් දැරිය මුදාගැනීමට උත්සහ කර ඇති අතර අනතුරුවයි ගිනි නිවීමේ ඒකකයේ නිලධාරීන් එම ස්ථානයට කැඳවා ඇත්තේ.

පසුව දැරියක පාසලේ බිත්ති දෙකක සිරවී සිටින බවට කළුතර ආපදා කළමාණාකරණ සහකාර අධ්‍යක්ෂක කර්නල් අරවින්ද අමරසේකර සහ කළුතර දකුණ පොලිසියේ දැනුම් දීමෙන් ගිනි නිවන භටයින් හයදෙනෙකු ආපදා ගිලන් රථයකින් ස්ථානයට ළගාවී ඇත.

විදුහලේ වැසිකිලි පද්ධතිය සහ තාප්පය අතර දැරිය සිරවි සිට ඇති බවත්, කළුතර මහ නගර සභාවේ ගිනිනිවන ඒකකයේ ආපදා ගිලන් රථයක් ළගාවී ස්පැඩර් නමැති සූක්ෂම උපකරණයක් ආධාරයෙන් හයිඩ්‍රොලික් ක්‍රමයක් ඔස්සේ බිත්ති දෙකට තෙරපුමක් ලබදී දැරිය බේරාගත් බව එහි ප්‍රධාන ගිනි නිළධාරී ඕ.වී.අයි. පී. ලක්ෂාන් පැවසීය.

කළුතර ආපදා කළමනාකරණ ඒකකයේ යුධහමුදාව සෙබළුන් පිරිසක්ද සහායට ස්ථානයට ළගාවී ඇති බවද පොලිසිය පැවසීය.

මේ දැරිය මුදා ගැනීමේ අවස්ථාවේදී ඇති වූ තත්ත්වයයි.