හිටපු ශ්රී ලංකා ක්රිකට් ක්රීඩක සචිත්ර සේනානායකට එරෙහිව අපරාධ චෝදනා ගොනු කරන ලෙස නීතිපති දෙපාර්තමේන්තුව ක්රීඩා අමාත්යාංශයේ විශේෂ විමර්ශන ඒකකයට (SIU) නියෝග කර තිබෙනවා.
ඒ තරග පාවාදීමකට අදාළව සිදු කළ විමර්ශනයක් අවසන් කරමිනි.
2019 අංක 24 ක්රීඩා වැරදි වැළැක්වීමේ පනතට අදාළව ඔහුට එරෙහිව ප්රමාණවත් කරුණු අනාවරණය වී ඇති බව අනාවරණය වනවා.
ජාත්යන්තර ක්රිකට් කවුන්සිලයේ (ICC) දූෂණ විරෝධී ඒකකයේ (ACU) සාමාන්යාධිකාරී ඇලෙක්ස් මාෂල් මෙම මස ආරම්භයේදී මෙරටට පැමිණ ක්රිකට් නිලධාරීන් සහ නීතිපති දෙපාර්තමේන්තුවේ නියෝජිතයන් සමඟ සාකච්ඡා වට කිහිපයක් පැවැත්වීමෙන් පසු මෙම තීරණය ගෙන ඇති බව වාර්තා වනවා.
2020 වසරේ ලංකා ප්රිමියර් ලීග් (LPL) පළමු අදියරට සහභාගී වූ ක්රිකට් ක්රීඩකයින් දෙදෙනෙකුට ඩුබායි සිට දුරකථන ඇමතුම් මගින් තරග විෂමාචාරයකට පොළඹවා ගැනීමට සචිත්ර කටයුතු කර ඇති බව හෙළිවනවා.
පසුව එම ක්රීඩකයින් මෙය දූෂණ විමර්ශන ඒකකයට දැන්වීමෙන් අනතුරුව ඔහුට එරෙහිව විමර්ශනයක් ආරම්භ කර තිබුණි.
කෙසේ වෙතත් සචිත්ර සේනානායක එම චෝදනා ප්රතික්ෂේප කර ඇත්තේ මෙය තමාට අපහාස කිරීමට සහ මඩ ගැසීමට උත්සාහ කළ බව පවසමිනි. ඔහු සහ එම සිදුවීම් අතර කිසිදු සම්බන්ධයක් නොමැති බව පවසමින් එවැන්නක් ඔහු තරයේ ප්රතික්ෂේප කරමින් සිටියි.
කෙසේ වෙතත්, SIU වෙතින් ලැබුණු සාක්ෂි පරීක්ෂා කිරීමෙන් පසු, නීතිපති දෙපාර්තමේන්තුව SIU වෙත නියෝග කර ඇත්තේ, එම පනත යටතේ, විත්තිකරුගේ ජංගම දුරකථනය භාරයට ගැනීමට ඒකකයට බලය ඇති බවත්, සවිස්තරාත්මක ඇමතුම් තොරතුරු ඇතුළත් ලේඛනයක් අදාළ ජංගම දුරකථන සේවා සපයන සමාගමෙන් ලබාගැනීමට හැකි බවත්ය.
සේනානායක විසින් ඔහුගේ ජංගම දුරකථන දෙකක් විමර්ශන නිලධාරීන්ට භාර දී තිබුණද ඒවා ක්රීඩකයාට අයත් නොවන ඒවා බව පසුව අනාවරණය වී තිබෙනවා.
ඔහු තමාගේම ජංගම දුරකථනය ඉදිරිපත් නොකර විමර්ශකයන් නොමග යවා ඇති අතර, ඔහු ක්රීඩකයන් සමග කළ සංවාද පිළිබඳ සාක්ෂි ICC ACU සතුව ඇති බව වාර්තා වනවා.
දේශීය පරීක්ෂණයකට අමතරව, ICC ACU ද මේ සම්බන්ධයෙන් විමර්ශනයක් සිදු කර තිබුණි.
සචිත්ර 2021 මාර්තු මාසයේදී තරග පාවාදීමේ චෝදනා සම්බන්ධයෙන් තමන් අත්අඩංගුවට ගැනීම වළක්වන ලෙස ඉල්ලා කොළඹ මහේස්ත්රාත් අධිකරණයට අපේක්ෂිත ඇප අයදුම්පතක් ගොනු කළ නමුත් මහේස්ත්රාත්වරයා එය ප්රතික්ෂේප කර තිබුණි.
2019 වසරේ ක්රීඩාවට අදාළ වැරදි වැළැක්වීමේ පනත බලාත්මක කිරීම මගින් ක්රීඩාවේ දූෂණ දඩුවම් ලැබිය හැකි වරදක් බවට පත් කර ඇත. ඒ අනුව එම නීතිය ක්රියාත්මක වීමෙන් පසු නඩු විභාගයට යන පළමු නඩුව සචිත්රගේ නඩුව වනු ඇත.
සචිත්ර මෙම නඩුවෙන් වැරදිකරු බව ඔප්පු වුවහොත්, ශ්රී ලංකා රුපියල් මිලියන 100 නොඉක්මවන දඩයකට හෝ වසර 10 කට නොවැඩි සිර දඬුවමකට හෝ මෙම දෙකටම යටත් වනු ඇත.
38 හැවිරිදි සචිත්ර සේනානායක ශ්රී ලංකාව වෙනුවෙන්එක්දින තරග 49කදී ජාත්යන්තර කඩුලු 53ක්ද විස්සයි20 තරග 24කදී කඩුලු 25ක් දවාගෙන තිබෙනවා.
![](https://ceylonnewsfactory.lk/wp-content/uploads/2023/08/WhatsApp-Image-2023-08-13-at-12.13.58.jpg)
![](https://ceylonnewsfactory.lk/wp-content/uploads/2023/08/WhatsApp-Image-2023-08-13-at-12.14.05.jpg)