නිවසකින් නිරුවත් මළසිරුරක් හමුවෙයි – සිරුරේ කැපුම් තුවාල, ඝාතනයක් බවට සැකයක් !

යාපනයේ කෝපායි ප්‍රදේශයේ නිවසකින් නිරුවත් මළසිරුරක් පොලීසිය විසින් ඊයේ (12) සොයා ගෙන තිබෙනවා.

මියගිය පුද්ගලයා ගණපතිපිල්ලේ මහේන්ද්‍රන් නමැති අයෙකු බවට හදුනා ගෙන ඇති අතර මළ සිරුරේ බොහෝ ස්ථාන වල කැපුම් සහිත තුවාල තිබීම නිසා මේ මරණය ඝාතනයක් විය හැකි බවට කෝපායී පොලීසිය යාපනය අධිකරණයට කරුණු වාර්තාකර තිබේ.

මියගිය පුද්ගලයාගේ බිරිද පොලීසියට පවසා ඇත්තේ තමන් සිද්ධිය වූ දිනයේ ගමේ පැවති විවාහ මංගල උත්සවයකට සහභාගී වීමට දරුවන් සමග පිටත්ව ගිය බවයි.

තමන් එහි සිටියදී පවුලේ ඥාතියෙකුගෙන් ලැබුණු දුරකතන ඇමතුමකට අනුව නිවසට පැමිණි බවත් එම ඥාතින් තම ස්වාමියාගේ මළ සිරුර සොයාගෙන ඇති බවත්ය.

යාපනය මහේස්ත්‍රාත්වරයාගේ නියෝග මත මියගිය අයගේ මළ සිරුර පරීක්ෂණ කටයුතු සදහා යාපනය ශීක්ෂණ රෝහල වෙත බාර දී ඇති අතර කෝපායී පොලීසිය සිද්ධිය සම්බන්ධයෙන් පරීක්ෂණ පවත්වා ගෙන යයි.